«نجوم إف إم» تحتفل بتعافي نجوى إبراهيم من السرطان

أقامت إذاعة «نجوم إف إم» احتفالًا بتعافي الدكتورة والإعلامية نجوى إبراهيم من السرطان، بحضور هالة حجازي، المدير التنفيذي والعضو المنتدب لشركة النيل للإنتاج الإذاعي، اليوم الخميس.

وكانت الإعلامية نجوى إبراهيم قالت في تصريحات لها، اليوم، ببرنامجها «بيت العز» على إذاعة نجوم إف إم: «أنا فرحانة جدا ومبسوطة جدًا، ومش عايزة حد يقول دى طلعت من أسبوعين ودلوقتي بقت كويسة الموضوع منذ 4 أشهر لكن مرضتش أعلن عنه ربنا أراد الشفاء بسبب دعواتكم التي استقبلتها».

وأضافت: «بعد 4 أو 5 شهور قلق حابة أفرحكم وهي جت كده من عند ربنا وبيجيلي كم دعوات كتير منكم اعتبروني من النهاردة لسة وجه جديد معاكم».

وتابعت: «أنا هسكت كفاية إنى أقولكم بحبكم من قلبي حقيقي وبعزكم وبحترم الجمهور اللي بدأ معايا وأنا كنت لسة صغيرة لغاية دلوقتي، هبدأ النهاردة حياتي معاكم واعتبروني وجه جديد».

خبر إصابتها بالمرض

كانت نجوى إبراهيم قالت ، خلال برنامجها «بيت العز»، المذاع عبر إذاعة نجوم FM، “ممكن اعتزل في أي لحظة بسبب مرض السرطان. وأبدت دهشتها من كم التعليقات التى طالبتها بالاعتزال وعبرت بالقول «يا نهار أبيض على اللي اتقال، ما تروحوا يا جماعة تتعالجوا، إنتو عايزيني اعتزل!».

وفاجأت نجوى إبراهيم الجمهور بعمرها الحقيقي، موضحة أنها خضعت للكثير من العمليات الجراحية بسبب حالتها الصحية، وقالت: «عندي 80 سنة وغلبانة وعيانة وعندي سرطانات وعاملة 7 آلاف عملية وهعتزل وهموت قريب، هدوا نفسكم والنبي، أنا مش جاية اعمل مستقبل وأربي عيالي أنا جاية فرحانة بيكم ومبسوطة وبتشرف بكلامي معاكم.. حبوا بعض شوية».