«مصر بتناديكي من جديد».. مايا مرسي تحث النساء على المشاركة في الانتخابات

في إطار استعدادات البلاد للانتخابات الرئاسية 2024، والمقرر عقدها في الداخل خلال الفترة من 10 - 12 ديسمبر 2023، وجهت الدكتورة مايا مرسى رئيسة المجلس القومي للمرأة رسالة لتشجيع السيدات على المشاركة والإدلاء بأصواتهن في الانتخابات المقبلة.

وقالت «مرسي» في نص رسالتها: «رسالتي النهارده لكل سيدة مصرية وطنية أصيلة.. انزلي وشاركي بصوتك في الانتخابات الرئاسية 2024، دورك كان عظيم ومشرف.. ورفعتي راس مصر.. وأبهرتى العالم في كل الاستحقاقات الدستورية اللى فاتت».

وتابعت: «النهارده مصر بتناديكى من جديد.. عشان تكملى دورك الوطنى العظيم، دا حقك وحق البلد عليكي وصوتك دا هو اللى هيحدد شكل مستقبل بناتك وولادك، وهو اللى هيحافظ على أمن واستقرار بلدنا الغالية مصر، ياللا شجعي أسرتك وجيرانك وانزلوا من جديد». 

وأكملت رئيسة المجلس القومي للمرأة نص رسالتها الموجهة إلى سيدات مصر قائلة: «وصّلى صوتك للعالم عشان يعرف إزاى الست المصرية هي الظهر والسند لبلدها، صوتك مهم وبيفرق، صوتك أمانة وبلدك أمانة.. ومصر بيكى أقوى وأجمل».