حورية فرغلي لـ «الجمهور»: الدكتور قالي لازم تتجوزي والعمر خدني

كشفت الفنانة حورية فرغلي، عن تفاصيل حالتها الصحية، وحقيقة خضوعها لعملية اسئصال الرحم من قبل، معربة عن حزنها الشديد لمرور العمر دون أن تقابل نصفها الأخر وتتزوج منه.

وقالت «فرغلي» لـ «الجمهور»: «الخطفة صعبة، بابا جراح ولما روحت المستشفى، قال إن عندي أورام ليفية زي جدتي، وهايفتحه بالمنظار من غير جراحة».

وأضافت: «لكن أنا لما عملت أشعة اكتشفوا إن عندي كذا ورم، وحولوني على العمليات على طول، ولما فتحوا لقوا كانسر في الرحم، وقالوا لازم يستئصلوا الرحم خالص، ويشيلوا كل حاجة، أنا اتخضيت لما سمعت الكلام ده، والعملية بعد ما كانوا قايلين ساعة، فضلت لمدة خمس ساعات».

وأوضحت أنها خضعت من قبل لعملية جراحية لاستئصال الورم وليس الرحم، قائلة: «أنا شيلت 7 أورام جوه الرحم قبل كده، وكان فيه أورام تانية بس كانوا صغيرين قوي، والدكتور قالي لازم تتجوزي وتحملي، وأنا بولدك نشيل الرحم».

وأردفت: «طبعًا العمر والشغل أخدني والسنين عدت ومرتبطش، فكبروا وبعدين قلبوا كانسر».