رامي صبري يُعلن عن حفل جديد في الجامعة الأمريكية

أعلن الفنان رامي صبري عن حفل غنائي جديد من المقرر من المقرر أن يُقيمه في الجامعة الأمريكية في ديسمبر المُقبل.

وعبر حسابه الرسمي على موقع تبادل الفيديوهات والصور «إنستجرام» نشر «صبري» بوستر الحفل، وعلق عليه، قائلًا: «رامي صبري في حفل مباشر بالجامعة‏ الأمريكية بالقاهرة يوم الثلاثاء 5 ديسمبر 2023.، احجز تذكرتك من خلال تذكرتي أو اتصل على 15355»، وأشار صبري في منشوره لجمهور بأن من يريد أن يحضر الحفل، عليه حجز التذاكر من موقع تذكرتي، وفعل هاش تاج «تذكرتي».

الجدير بالذكر، أن الفنان رامي صبري، عبر مؤخرًا عن فخره وسعادته بمشاركة جمهوره بعضًا من الصور له في الماضي، عندما كان يعمل ضمن فرقة كورال الفنان محمد الحلو.

ونشر «صبري» عبر حسابه الرسمي بموقع تبادل الصور والفيديوهات «إنستجرام»: «صورة من 23 سنة تقريبا، الفرق بينهم كبير جدا، في الصورة اللي فوق كنت بشتغل كورال مع الفنان الكبير محمد الحلو، وكنت وقتها ببتدي أشتغل علشان أفهم يعني إيه مسرح وجمهور، وإزاي أتعامل مع الناس في الشغل».

وأضاف: «كنت دايما عارف إنها مرحله تعليمية وهتمشي، مش هقف عندها علشان كده مكنش عندي طموح فيها، فضلت أشتغل كورال مع معظم النجوم ساعتها لحد ما لحنت لـ فضل شاكر وعامر منيب الله يرحمه، وبعدين شيرين أول ما ابتدت، وكل ده عارف إن هدفي لسه مجاش».

وتابع: «الصورة اللي تحت بعد كل اللي فات والتعب والمجهود الكبير جدا ربنا كرمني كرم كبير جدا وميزني من وسط فنانين كتير جدا وخلاني أكون واحد من أهم نجوم العالم العربي، الموضوع كله صدقني في الطموح، لو أنت بتحب نفسك ومآمن بنفسك وعندك الإصرار إنك هتوصل لمكان أنت مش فيه دلوقتي، صدقني هتوصل بس تصدق نفسك، ومفيش حاجه اسمها حظ، دي كلمة محصلتش معايا».

واستكمل: «مع حبي للموسيقى وطموحي وأنا ماشي فيها، في واحد معايا في نفس الصورتين وهو أخي وصديق العمر والموزع الموسيقي وعازف الكيبورد الأستاذ محمد سمير، هو كمان طموحه كبير جدا وابتدي معايا في الصورة اللي فوق لحد ما بقي أحد أهم موسيقيين مصر، وبيلعب مزيكا مع أهم نجوم عالمنا العربي، ولسه مكمل معايا من 23 سنة لحد الآن، وهو مدير فرقتي الموسيقية،عاوز أقول في الآخر، طموحك وحبك لنفسك هيوصلك، ماترميش شماعة الظروف على نفسك وتقول ظروفي وحظي وتدخل في مود مش هيوصلك لحاجة، هتوصل هتوصل صدقني، وأول ما هاتنجح كله هيجري وراك ويسقف لك، والفرق بين الصورتين هو الطموح فقط».