نجوى إبراهيم تعتذر لجمهورها: «أنا غلطت لما اتكلمت .. مشكلتي تافهة بالنسبة لفلسطين»

كشفت الإعلامية نجوى إبراهيم عن سعادتها بردود الفعل التي تلقتها عقب طلب بعض المتابعين لها بالاعتزال، خلال برنامجها «بيت العز»، على قناة نجوم إف إم اليوم.

وقالت نجوى إبراهيم خلال برنامجها: «أنا حسيت إني غلطت جدًا، لأني ليس من النوع الشكاي بس اللي أنا قلته مش شكوى، كانت مشاركة أنا اشتركت معاكم، بس لما روحت البيت، قعدت يومين ثلاثة أبكي، لقيت فيه ناس كتير جدًا مليانة حب، كمية الدعوات اللي جات لي، ده أنا لو هيقطعوا إيدي مش هتتقطع من كتر الدعوات، رب ضرة نافعة فعلًا، لكن قعدت أقول وأجلد في نفسي، لأن ضميري على طول مستيقظ ودايمًا عندي جلد للذات، ليه أنكد عليكم ما كل واحد فيه اللي مكفيه، وليه أطلع أقول كده طيب ما الموضوع ده بقاله شهرين ثلاثة، يعني أنا بجري فيه لوحدي ومعايا أولادي وعيلتي، مايصحش إني أقول كده، لكن زي ما زعلت عشانكم بس فرحت إني فضفضت، لأن أحسن حاجة إن الواحد يفضفض مع القريب منه، مع اللي عارف إنه بيحبه مع إني دايمًا بقول إحذر من الفضفضة وخاف من الخائن، ممكن تسامحوني من غير ما يكون عندكم ذرة حب واحترام ليكم، وإن كل واحد فيه اللي فيه».

وتابعت نجوى إبراهيم: «بحيي شعب فلسطين، فيه حاجات قوية بتهز كيان الإنسان، جنبهم مشكلتي عادية جدًا وتافهة، اقبلوا إعتذاري وأنا مقدرة كل الحب اللي انتوا إديتوه لي وربنا يسمع دعواتكم، وكا حاجة خير وأول ما أطمن هطمنكم، ماتشيلوش همي خالص، أنا ممكن أشيل همومكم ابعتوا لي زي ما بتبعتوا دايمًا لأني الكبيرة اللي استحمل، بحبكم جدًا». 

"ممكن اعتزل فى أى لحظة” بهذه الجملة ردت الفنانة والإعلامية نجوى إبراهيم، على الانتقادات التي وجهت اليها مؤخرا بسبب استمرارها في العمل الإعلامي رغم تقدمها في العمر ، مشيرة الى أنها تعانى من مرض السرطان ، وهى تحاول أن تنسى المرض بالعمل.

وقالت نجوى إبراهيم، خلال برنامجها «بيت العز»، المذاع عبر إذاعة نجوم FM، “ممكن اعتزل في أي لحظة بسبب مرض السرطان. وأبدت دهشتها من كم التعليقات التى طالبتها بالاعتزال وعبرت بالقول ”يا نهار أبيض على اللي اتقال، ما تروحوا يا جماعة تتعالجوا، إنتو عايزيني اعتزل؟».