أحمد العوضي يتعرض للهجوم بسبب تصريحه: «النوتي كورنر مش بيعمل رجالة»
![أحمد العوضي أحمد العوضي](https://media.algomhor.com/2023/11/large/1716644650128202311201047544754.jpg)
أحمد العوضي
رحاب عنتر
تصدر فيديو للفنان أحمد العوضي، محركات البحث خلال الساعات الماضية، عبر مواقع التواصل الاجتماعي، تضمن تصريحات له خلال لقائه مع الإعلامية أسما إبراهيم، في برنامج «حبر سري» الذي يُعرض على قناة القاهرة والناس.
وأوضح العوضي خلال برنامج حبر سري، رأيه حول تأييده ضرب الأطفال، وأشار إلى أن ضرب الأولاد يصنع الرجال، وليس العكس وأنه يرفض أسلوب التربية الإيجابية الحديثة.
وقال أحمد العوضي خلال ضيافته في حبر سري: «الضرب بيطلع رجالة، أما جو النوتي كورنر ده ميطلعش رجالة، الضرب اللي بيطلع رجالة، التربية الإيجابية دي كلام كتب وإنشا، حتى لو الناس قالت عليا ده متخلف، أنا تمام اهه وسوي نفسيًا، رغم إني كنت بتضرب ولغاية دلوقتي بتضرب من والدي، أنا مش بقول يعذبه، يقوم سلوكه مفيش أحن على الطفل من والده، البنت ماينفعش تتضرب، البنت تتدلع أو تروح النوتي كورنر براحتها».
وهاجمت الإعلامية ياسمين نور الدين، تصريحات أحمد العوضي في إحدى حلقات برنامجها، قائلة: «لما نجم الناس بتحبه يقول تصريح زي ده، يبقى بيمسح كلامنا بأستيكة، من حقنا نهاجم أي حد بيشجع على العنف ضد الأطفال، فيه خط أسمه خط نجدة الأطفال 16000، مخصص للشكاوى ضد الأهالي اللي بيضربوا عيالهم، أطفالنا بيحبوك».
وتفاعل متابعو العوضي، مع الفيديو واستنكر أحد متابعيه ، تصريحاته حول ضرب الأطفال، قائلًا، عبر منشور على حسابه الشخصي بموقع فيسبوك: «من كام يوم نائبة في مجلس النواب، قدمت مقترحا بإقرار الضرب في المدارس، كوسيلة للعقاب والتربية، والنهاردة شفنا التصريح ده للفنان أحمد العوضي واللي بيقر إن الضرب بيطلع رجالة، وبيشجع الناس عليه، وبلا تربية إيجابية بلا وجع دماغ».
ومن أبرز التعليقات المؤيدة لتصريحات أحمد العوضي، ما يلي: «أجدع كلام ممكن يتقال ده الصح والأصول والتربية، راجل بكل معنى الكلمة يسلم اللي رباك، عديت الوصف في الأصول والاحترام، كلامك كله صح، يا عوضي أنت شبهنا».
![](https://media.algomhor.com/ArticleUpload/2023\11\20\622_1716_104457.webp)
![](https://media.algomhor.com/ArticleUpload/2023\11\20\614_1716_104434.jpg)
أخبار ذات صلة
توقعاتك لنتيجة مباراة مصر وبوتسوانا في تصفيات أمم أفريقيا ؟
-
فوز مصر
-
فوز بوتسوانا
-
تعادل المنتخبين