أول تعليق من إيساف على ظهوره بكرش: فان ديزل عملها قبلي

علق الفنان إيساف، على الجدل الذي أثير خلال الفترة الأخيرة بعد ظهوره بوزن زائد عن المعتاد في آخر ظهور له مع زوجته.

وقال إيساف في تصريح خاص لـ «الجمهور»: «الاهتمام نفسه بالموضوع غريب.. وبجد مش فاهم كم التعليقات السلبية اللي على الفيديو».

وأوضح أن الصور المنتشرة مأخوذة من فيديو قديم نُشر منذ 3 أشهر، قائلًا: «المفروض الجمهور فاهم أن الفنان بيعيش حياته كلها ملتزم أنه يهتم بنفسه ولبسه وشكله، لكن الطبيعي أن نجوم العالم كلهم بيجي عليهم فترة بيحصلهم حالة ملل من كتر ما مهتم بالكلام ده، فبيقرر أن ميهتمش عشان يرتاح نفسيًا».

وأضاف: «فان ديزل ذات نفسه كان ليه صور منتشرة من فترة وهو بوزن زائد، مع أنه بطل أفلام أكشن، ومطلوب منه طول الوقت أن يحافظ على شكل جسمه».
وأعرب عن استيائه من التعليقات السلبية على الصور، قائلًا: «مكتوب ظهور إيساف بشكل صادم.. أنا بجد مش فاهم إيه الصادم في كده».

واستطرد: «وزني زايد بس 6 أو 7 كيلو اللي هما بتوع لما قعدنا في البيت بسبب كورونا، والناس كلها وزنها زاد في الفترة ديه». 

آخر أعمال إيساف

من ناحية أخرى، تعتبر أغنية «عشان راجل» آخر الاعمال الغنائية للفنان إيساف، والتي طرحها مؤخرًا عبر قناته الخاصة بموقع الفيديوهات يوتيوب.

أغنية «عشان راجل» من كلمات أحمد عادل توفيق، وألحان أحمد البرازيلي، توزيع موسيقي محمود صبري.

وتقول كلمات الأغنية: «عشان راجل.. عشان أفضل كبير حتى في نظر نفسي.. سيبها تقول في حقي كتير.. وما بدافعش عن نفسي.. عشان لما يجيبوا سيرتي قلبها يحزن .. بقول بكرا الحقيقة تبان وخليني أنا الأحسن ..عشان مليون عشان وعشان .. عشان عشرتنا حتي زمان .. رضيت إني أبان خاين.. ومارضيتش أقول متخان.. أنا أقدر أقول أكتر.. وأعيبك بكلام كتير فيها.. لكن بعمل حساب لسنين معملتش حساب ليها».