داليا البحيري عن حملات مقاطعة المنتجات الداعمة للاحتلال: «حاسة بالفخر»

تفاعلت الفنانة داليا البحيري، مع حملات المقاطعة التي أطلقها رواد مواقع التواصل الاجتماعي من المصريين والعرب، بهدف مقاطعة المنتجات الداعمة للكيان الإسرائيلي، بعد الهجوم الغاشم منهم على فلسطين.

وشاركت داليا البحيري صورة من خلال حسابها الرسمي على موقع «إنستجرام»، وعلقت عليها قائلة: «أنا حقيقي سعيدة جدا كل لما أعدي من قدام ستاربكس ولا ماكدونالدز وألاقيهم بينشوا بحس كده بانتصار، وفرحانة أوي ببنتي وأصحابها اللي بقوا واعيين وفاهمين».

وتابعت داليا البحيري: «بكلم كيمي إمبارح كانت مع أصحابها لقيتها بترد عليا وهي بتغني أنا دمي فلسطيني، كما كيمو اللي بتسمع تايلر سويفت تخيلوا شكرا غزة اللي زعلان ومتضايق من پوستاتي عن غزة وعن فلسطين في حاجة اسمها خد استراحة، عشان ما اعكرش عليك صفو حياتك».

وأصافت: «في اللالا لاند!!! وممكن كمان تعملي unfriend لطيف برضو! ده تل أبيب ذات نفسها يا مؤمن فيها مظاهرات ضد اللي بيحصل في غزة!!!! ده غير المظاهرات في كل عواصم العالم!!!ده الأمريكان ذات نفسهم مقاطعين ماكدونالدز وستاربكس وشيپسي وپيبسي وغيرهم منتجات تانية كتير اللي هي صناعة أمريكي أصلا».

وأردفت: «مقاطعين منتجات بلادهم عشان موالية للكيان الصهيوني، عشان موالية للانسانية!!! مضايقاك أوي پوستاتي؟! بلاش تشوفها….لأن باختصار كل واحد حر!!! دي اختيارات في الحياة! أنا عندي أصحاب مش مقاطعين ولا مقتنعين بالمقاطعة!».

وواصلت: «مزعلتش منهم ولا حكمت عليهم لأن في ضميرهم هما شايفين إن ده حيضر اقتصاد البلد …كل واحد حر! انا حأفضل اعمل شير واكتب وادعم منتجات بلدي وحافضل أقاطع المنتجات الموالية وأحرر نفسي وضميري»

واختتمت: «مش طول عمرنا بنقول الحل في تشجيع المنتج المصري، أهو جت علي الطبطاب يلا نشجع المنتج المصري اللي حقيقي يقدر ينافس بقوة، محدش يزايد علي حد دي قدرات…كل واحد حر!!بالمناسبة دي الـpaper bag اللي فيها الكوكيز بتاعة».