أحمد يونس عقب شائعة وفاته: "الريتش جنن الناس"

قال الإعلامي أحمد يونس، إن الجميع الآن على مواقع التواصل الاجتماعي يسعون إلى الترند والريتش فقط دون النظر لأي شيء وذلك عقب انتشر شائعة وفاته في حادث سير.

وكتب "يونس" عبر حسابه الشخصي بموقع التواصل الاجتماعي "فيسبوك": "مش معقول هوس الريتش يوصلنا للمرحلة دي؟ أنا والله ما فارق عندي واللي مكتوب لي هشوفه والموت حق، بس لما أصحى ألاقي الناس عمالة تبعت لي، أنا مش بعرف أرد على التليفون طول الوقت وفي ناس هتاخد العنوان المزيف وتنقله".

وأضاف: في ناس بيدوروا على الأخبار على جوجل لما ينط ده في وشهم مش هيقروا اللي جوا لأن العنوان قايم بالواجب وللأسف مش أول مرة تتعمل.

تابع: للعلم وبالعند فيكم أنا الحمد لله بتحسن وهيطلع لي رجل جديدة بس اصبروا شوية.. الله يهديكم بجد.. البركة في السند جروب عيلة أحمد يونس دايمًا قايمين بكل واجب والله.

واختتم: وعلى الجانب الآخر ألف شكر للصحافة والمواقع المحترمة وأهل الميديا اللي سألوا وتحروا الدقة في نقل أي حاجة، هو الحقيقة أنا أقل من ينزل عني أخبار، والموضوع الحمد لله ربنا لطف فيه لطف عظيم، بس كتر ألف خيرهم.