حمو بيكا عن اعتزال علي قدورة: «عمري ما هقول فلوس الفن حرام»

حل مؤدي المهرجانات حمو بيكا، اليوم ضيفًا في برنامج «يومينهم» مع لإعلامية فرح شاهين، والذي يُذاع كل يوم جمعة الساعة 7 مساءًا، على شاشة قناة «هي».

وعلق حمو بيكا، على اعتزال زميله في فريق VIP علي قدورة الذي أعلن اعتزاله الغناء مؤخرًا وأشار أن الأموال المكتسبة من الفن حرام.

وأكد حمو بيكا في حواره مع الإعلامية فرح شاهين، أنه لم يتواصل مع زميله مطرب المهرجانات علي قدورة بعد إعلان الأخير اعتزاله الفن، وبشأن تصريحاته بأن الأموال المكتسبة من الغناء أموال غير شرعية، قال بيكا: «عمري ما هقول أن فلوس الفن حرام، أنا صحيت الصبح لاقيت علي قدورة قال كده».

وأضاف حمو بيكا: «أنا مكلمتوش بعد ما قال الكلام ده، هو حر وفضالنا الدنيا شوية، وبراحته يحرم اللي يحرمه، وممكن ميكنش جايب همه معاه، والله أنا من رأيي ميركزش مع الناس».

وكشف حمو بيكا سبب وقوف أحد زملاءه بجواره أثناء تسجيله الأغاني، مؤكدًا أن هذا بسبب عدم معرفته بالقراءة، مشيرًا إلى أنه لم يسعى لتعلم القراء والكتابة.

 وأضاف بيكا: «بوقف حد جمبي عشان يقولي الكلام، عشان مبعرفش أقرأ وبشوف نفسي أسرع واحد بيغني، ومعنديش وقت أتعلم أ ب ت، ولو عايز أتعلم كنت اتعلمت من زمان».

وتابع حمو بيكا: «ممكن أعمل في اليوم 4 أغاني، ومعايا الشاعر والملحن والموزع وكل حاجة وفي نفس اليوم ممكن أسجل».

وتطرق حمو بيكا للحديث عن مشاريعه الخاصة، كاشفًا سبب قفله المطاعم، إذ قال: «قفلت 3 مطاعم عشان  خسرت ومكنتش فاضي أركز معاهم والناس كانت بتسرقني وانا كنت مسافر، ودمروا حياتي».