مها أحمد ترد علي «خفاجه».. بأخد هدايا علشان مش لاقية شغل

أثارت الفنانة الفنانة مها أحمد الجدل مجددا بعد حملة الهجوم عليها على وسائل التواصل الاجتماعي بسبب تجاوزها اللفظي ضد متابعيها ووصفهم بـ «الخدامين»، 

وقالت مها أحمد، إنها تقوم خلال الوقت الحالي بالعمل كموظفة بمنصة التيك توك، وتعاقدت مع الإدارة الخاصة بالتطبيق، لبث يومي، والحصول على هدايا من الجمهور، وتقوم باستبدال هذه الهدايا بأموال.

وخرجت مها أحمد فى بث مباشر على تطبيق تيك توك قالت فيه : «إحنا بنطلع عشان مش بنشتغل  ولقينا مجال زي السوشيال ميديا، ولو أنا مثلًا بعمل مسرح ولو فيه عائلة سعودية أو كويتية بيجيبولي هدايا، وعندي أصدقاء يمنيين بيجبولي فضة، ينفع أقبل هدايا وأنا في المسرح أو السينما ومش هقبلها على اللايف؟ لا هقبلها، أنا حرة ومحدش له حاجة عندي».

وتابعت مها أحمد: خلاصة الموضوع، إحنا داخلين على التيك توك عشان نشتغل، أنا واحدة ماضية عقد مع تيك توك وتبع إدارة التيك توك، أنا موظفة وبشتغل ولازم أشوف شغلي وأكل عيشي وبفكر الناس بيا والـ CV بتاعي وإني فنانة وموجودة حتى لو ماليش أعمال دلوقتي.

ووجهت رسالة لشخص رفضت الإفصاح عن اسمه وقالت: ربنا يشفي كل مبتلى أو مريض، قلة الدعم بتجيب حالة مش طبيعية وكلنا نكتئب، فيه واحد ما من ضمن الناس المدمنة طلب مني نتخانق مع بعض عشان يطلع تريند، رغم أنه عمل حاجة وطلع بيها تريند، وكسب تعاطف الناس، قولتله عيب مش للدرجة دي، أنا مش من الناس اللي ممكن تطلع تريند عشان خناقة مع حد أنا تريند لوحدي.