أحمد العوضي: «نور الشريف أبويا الروحي.. وهعمل مسابقة بعد كل عمل»
![أحمد العوضي أحمد العوضي](https://media.algomhor.com/2023/11/large/1716644650128202311161159485948.jpg)
أحمد العوضي
رحاب عنتر
حل الفنان أحمد العوضي، ضيفًا في برنامج «حبر سري»، الذي تقدمه الإعلامية أسما إبراهيم، المذاع على قناة القاهرة والناس، يومي الخميس والجمعة العاشرة مساءً.
وطرحت الإعلامية أسما إبراهيم، سؤالًا عن مخرج تم ترشيحه لإخراج فيلمه الجديد الرهان، الذي يستعد العوضى لتحضيره، ولكن هذا المخرج رفض مشاركة أحمد العوضي، من قبل في بدايته الفنية.
وقال العوضي: «الكلام صح، المنتج رشح لي مخرج للفيلم، مش عشان هو رفضني زمان، مع أنه رفضني زمان، لكن أنا مش بنتقم، والدليل إن هو ما يعرفش أنه مرشح للفيلم، لو أنا عندي روح الانتقام كان الفيلم اتعرض عليه، وأنا رفضت، لكن هو مخرج كبير بس هو مش شبهه نوعية الفيلم، زي ما أنا رحت له زمان وماكنتش شبهه الفيلم، أنا شفتها فنيًا أكثر، روح الانتقام مش بتحركني».
وتابع العوضي: «فيه ناس كتير وقفوا جنبي، وكان ليهم الفضل عليا، أولهم نور الشريف ده الأب الروحي، هو السبب إني أحقق حلمي في الشغل، وبعده محمد أمين راضي، شاف فيا إنى ممكن أعمل دور شعبي، خالد مرعي، طارق الجنايني، تامر مرسي، أي حد اشتغلت معاه ليه فضل عليا».
وأضاف أحمد العوضي عن المسابقة التي قدمها لمتابعيه على موقع فيسبوك، والتعليقات السلبية التي تلقاها العوضي، واتهامه بأنه يتظاهر بأمواله، قائلًا: «أنا ماشفتش التعليقات دي، أنا شفت اخواتي اللي بتكلم معاهم، دول الكلام مش رايح ليهم، أنا مش بدعي حاجة، النهاردة أنا في حبر سري، بفضل جمهوري، أنا ولا أي حاجة من غير الناس، أنا كنت براضي إخواتي زي ما هما مراضيني».
وتابع العوضي: «جاتلي الفكرة من موقف، مرو لما كنت بعمل الكوماندا، نزلت صورة في يخت، واحد كتب لي تعليق، بيقول فيه انت قاعد في يخت واحنا بنتفرج عليك، والمشاهدات بتزيد وانت بتاخد الفلوس، وقتها حسيت إن عنده حق، ظاهر الكلام غلط، لكن باطنه صح، هو خلص باقته عليا، أنا أخدته منه، إديته إيه مشهد حلو، مش كفاية وقتها أخدت قرار إني أراضي أخواتي، أنا مش بعمل تريند، لو طلعت بقميص فحلقي هطلع تريند، كفاية نظرة 11 واحد اللي فازوا، اللي ممكن أكون حليت لهم مشكلة، أنا بعامل ربنا، هما أخواتي مصدقيني، هفضل أعمل المسابقة دى بعد كل عمل أعمله، حق الجمهور إني أكسبه، هو شريك في فلوسي بحبه ليا، أنا عامل ده من قلبي».
أخبار ذات صلة
توقعاتك لنتيجة مباراة مصر وبوتسوانا في تصفيات أمم أفريقيا ؟
-
فوز مصر
-
فوز بوتسوانا
-
تعادل المنتخبين