داعية عن محمد سلام: "مبيسبش الجامع لغاية ما يقفل"

روى داعية موقفا مؤثرا للفنان محمد سلام وقت إغلاق المساجد خلال أزمة كورونا العالمية، مشيدا به فى منشور له على حسابه الشخصي على فيسبوك.

وقال الشيخ محمد السموجى« كلمة حق، اتعرفت على محمد في بداية 2019 تقريبًا، ولفت نظري مداومته على الصلاة، محبته للجلوس في المسجد للشروق وقبل صلاة المغرب».

وتابع الشيخ محمد عبر فيسبوك: «أوقات تانية كتير لا يترك المسجد، إلا لو كنا هنغلقه، وده بالنسبة لي كان غريب إن في حد في المجال ده بيحاول يقرب من ربنا بالطريقة دي».

تابع الشيخ السموجي، مؤكدًا أن سلام يمتلك الخير بداخله، وأوضح: «جواه خير كتير جدًا ومن هنا بدأت علاقتنا تزيد، وأيام غلق المساجد لقيته بيكلمني اتصال في شهر رمضان، وبيقول لي: إنت فين علشان عايزين نصلي التراويح؟ فقلت له إن المساجد مقفولة فقال لي هنصلي في البيت وفعلًا صلينا التراويح والتهجد عنده وده بين لي أد إيه سلام متعلق بالصلاة والقرآن».

وأوضح أنه في أحد المرات أحضر ابنته وكان الجو باردا جدًا في صلاة الفجر، وقال له: «يا شيخ محمد عايزها تتعود على الصلاة».

وتابع الشيخ محمد: «لما كنا نتكلم مع بعض في حاجة دينية كان بيبقى مهتم جدًا بالكلام وكأنه عنده فيه امتحان، ومواقف تانية كتير خلتني أعرف إن سلام مختلف عن البقية ولذلك لم استغرب موقفه الأخير؛ لأن ده سلام اللي المقربين منه يعرفونه جيدًا»