جمال العدل: «نيللي كريم شاطرة.. ومفيش زعل بينا»

تصدر لقاء المنتج جمال العدل، في برنامج «حبر سري» للإعلامية أسما إبراهيم، الذي يُذاع على قناة القاهرة والناس، محركات البحث خلال الأيام الماضية، نظرًا لتصريحاته عن أبرز نجوم الوطن العربي، وسرده لتفاصيل خلافه مع الفنان محمد هنيدي ونيللي كريم، واعتذاره للفنانة يسرا، كما كشف عن حقيقة اعتزال الفنانة عبلة كامل.

وكشف المنتج جمال العدل عن حقيقة خلافه مع الفنانة نيللي كريم، وأكد أنه لا يعلم بهذا الخلاف، وأن علاقته بالفنانة نيللى كريم جيدة، ولكن فسر الصحفيون غيابها عن العرض الخاص لفيلم «ع الزيرو»، بأنه خلاف بينها وبين العدل جروب وهذا غير صحيح.

وأضاف جمال العدل عند سؤاله عن إذا كان يهتم بالنجمة الشاطرة أم الفاشونيستا؟، قائلًا: «الشاطرة طبعًا، من غير تفكير أمال أنا بموت في نيللي كريم ليه، عمرها ما ركبت رموش ولا أصرت تحط ميك اب، يقولولها اعملي تعمل، عمرها ما كان ليها طلبات تحسي إنها ست جاية تشتغل دورها وتمشي».

وتابع جمال العدل: «احنا ما اتخانقناش وعمري ما قولت كده، هم الصحفيين قالوا إنها محضرتش افتتاح فيلم ع الزيرو، علشان زعلانة قولتلهم أنا معلوماتي أنها مسافرة، أنا لسه مقابل نيللى كريم قريب في مطعم وأكلنا و شربنا، قالوا إنها زعلانة من الأفيش ده توقع من الصحفيين، قولتلهم لو زعلانة من الأفيش مكنتش وقفت وراء محمد فراج كده، و نيللي بالذات أرتيسيت جدًا يعني في فاتن أمل حربي، متصورة أفيش مفيش حد يرضى يعمله غير نيللي كريم، متصورة بظهرها و في أيديها طفل و على ايديها طفل، لا وشها بان و لا شعرها بان، الىىىـتات بتهتم أوي بكده نيللي ولا يفرق معاها».

وأردف العدل قائلًا: «العلاقة بيني و بين نيللي، من ضمن العلاقات اللي بعتبرهم مؤسسين العدل جروب، العلاقة بيني أنا و نيللي و يسرا و السقا و ناس كتير أوي تعدت علاقة الشغل، بقينا أخوات أكتر وأصحاب أكتر، ده أنا اللي مجوز نيللي أنا كنت وكيلها في الفرح، لا يمكن نزعل من بعض وأنا والله العظيم ما بلغتني جملة إنها زعلانة».