جمال العدل يوجه رسالة اعتذار: «كل الناس تزعل إلا يسرا»

وجه المنتج جمال العدل رسالة اعتذار للفنانة يسرا، عبر برنامج «حبر سري»، تقدمه الإعلامية أسماء إبراهيم، والذي يُذاع على قناة القاهرة والناس.

نشرت الإعلامية أسماء إبراهيم مقطع فيديو من برنامجها «حبر سري»، وطلبت منه أن يوجه رسالة اعتذار لشخص عزيز عليه، أساء إليه دون قصد.

وكشف جمال العدل، أنه أساء للفنانة يسرا دون قصد، قائلًا: «أنا بطبيعتي لو زعلت حد، أحب جدًا أعتذر له من غير البرنامج، الوحيدة اللي زعلتها الفترة اللي زعل غير مقصود، كانت يسرا، لأن يسرا دي ليها جانب، ومصر كلها في جانب، لأني في أحد الحوارات قلت أن مسلسل يسرا ماعجبنيش، وأدبًا مني أنا بقول مسلسل يسرا، ونسيت أنه مسلسل العدل جروب، يعني أنا مسئول عنه أكثر من يسرا، ويسرا ماكنتش مسئولة عن الكوميديا اللي اتعملت في المسلسل، أما يسرا دي أهم شخص في تاريخ العدل جروب، وبينا علاقة إنسانية أهم بكتير من الشغل، أنا لو كنت زعلتها أنا أسف جدًا، أنا ما اقصدش أزعلها، إلا يسرا، كل الناس تزعل إلا يسرا، أنا مش بزعل حد أصلًا، أزعل يسرا مستحيل بجد، شغل أو من غير شغل، العلاقة الإنسانية اللي بيني وبين يسرا تتعدى أي حاجة تخص الشغل، أد الشغل 20 مرة يعني، مش عايزة أقول رقم السنين، عشان الناس ماتحسدناش».

كما ووجه جمال العدل رسالة عتاب للفنان محمد هنيدي قائلًا: «اللي مضايقني إن هنيدي صاحبني وعشرة عمر، اللي مضايقني أكتر إنه فنان كبير ومهم وعيب يعمل كده، لكن هو حقه قانونًا، ولما نزل صورة إنه هيعمل الجزء الثاني، بعت له الصورة وقلت له إيه ده؟، على أساس إني اتفقت معاه إننا هنعمله، ماردش عليا لغاية دلوقتي، و ده ضايقني أكتر ده تصرف مش لطيف أبدًا، ورأي كمان أن المسلسل مش هينجح».