جمال العدل يوجه رسالة عتاب لـ«محمد هنيدي»: «فنان كبير وعيب تعمل كده»

لأول مرة، يرد المنتج جمال العدل على خلافه مع الفنان محمد هنيدي، خلال برنامج حبر سري، الذي تقدمه الإعلامية أسماء إبراهيم، ويذاع على قناة القاهرة والناس.

ونشرت الإعلامية أسماء إبراهيم، مقطع فيديو لرد المنتج جمال العدل، على خلافه مع الفنان محمد هنيدي، من برنامج «حبر سري»، عبر حسابها الرسمي على موقع تبادل الصور والفيديوهات «إنستجرام».

وكشف المنتج جمال العدل، عن سبب خلافه مع محمد هنيدي، عند سؤاله عن الجزء الثاني من مسلسل أرض النفاق، ليرد قائلًا: «هنيدي اللي بيعمل أرض النفاق الجزء الثاني، للأسف من غيري، فيه حق أدبي للمخرج سامح عبدالعزيز، وبعد ساعة مشي وعلى الرغم من كده اتكتب اسمه على المسلسل، لأنه كون فريق العمل، واختار الديكور، والملابس، وجمع الفنانين واتفق معاهم، رغم إن اللي صور المسلسل، محمد جمال العدل، بس هو كمل شغل سامح عبدالعزيز، مش معنى إن ماندو هو اللي صوره يبقى إخراجه، ده اسمه حق أدبي».

ووجه جمال العدل رسالة عتاب للفنان محمد هنيدي قائلًا: «اللي مضايقني إن هنيدي صاحبني وعشرة عمر، اللي مضايقني أكتر إنه فنان كبير ومهم وعيب يعمل كده، لكن هو حقه قانونًا، ولما نزل صورة إنه هيعمل الجزء الثاني، بعت له الصورة وقلت له إيه ده؟، على أساس إني اتفقت معاه إننا هنعمله، ماردش عليا لغاية دلوقتي، و ده ضايقني أكتر ده تصرف مش لطيف أبدًا، ورأي كمان أن المسلسل مش هينجح».