إيمان العاصي تطلب إغاثة أطفال غزة: خرجوهم لينا.. كفاية جبروت

نشرت الفنانة إيمان العاصي رسالة لإنقاذ أطفال غزة من المجازر التي تحدث في فلسطين يوميًا، عبر حسابها الرسمي على موقع تبادل الصور والفيديوهات «إنستجرام». 

وعلقت إيمان العاصي قائلة: «خرجوا الأطفال، أرجوكم بس الأطفال، أرحموهم والنبي، خرجوهم كلهم لينا إحنا طيب، أنتوا إزاي كده، قلوبكم وعقولكم من إيه، إزاي قادرين تماطلوا كده، إزاي قاعدين مستنين، أنتوا إزاي بتناموا عرب إيه؟، وأديان إيه بس؟، الوضع مش وضع دبلوماسية، يا عالم أنتم مفيش فيكم رجا، الولاد محروقين وجعانين وعطشانين، وخايفين وعارفين يعني إيه جوع وعطش، أرجوكم خرجوا الأطفال بس، أرجوكم كفاية جبروت، عارفة أنكم مش مشاعركم هي اللي بتحركم، وعارفة أنها حاجة تافهة عندكم، بس أرحموا صرخة الأطفال بس». 

يُذكر أن،  الفنانة إيمان العاصي  طالبت حكام الدول العربية، إرسال معدات ثقيلة لرفع الحديد وخرسانة المنازل المتأثرة من القصف، لإنقاذ أطفال وأهالي غزة من تحت الأنقاض.

وأعربت «العاصي» عن حزنها الشديد بسبب ما يحدث في فلسطين حاليًا، مؤكد أن هناك الكثير من الفلسطينيين مدفونين أحياء تحت أنقاض المنازل.

وكتبت إيمان عبر حسابها الرسمي بموقع التواصل الاجتماعي «إنستجرام»: «كتير من الفلسطينيين مدفونين أحياء تحت أنقاض منازلهم، يا عالم الناس بتصرخ تحت الأنقاض كل لحظة.. طلعونا.. أطفال ونساء ورجال وعجائز».

وأردفت: «يا عالم طلعوهم بس من تحت الأنقاض.. يا حكام دخلوا مع الأكفان معدات تقيلة ترفع الخرسانة من فوق أجسادهم دول لسه فيهم الروح».

«مافيش كلام يوصف اللي بيحصل يا عالم كفايه حرام سايبنهم أحياء تحت التراب حد يتخيل.. دي موتة؟ فينكم أصحوا الأطفال بتصرخ من الألم والخوف والجوع والعطش تحت وفوق الأنقاض.. أنتِ يا فلسطين بالوطن العربي كله».