النزلة الشعبية علامة لقبول الحج| متابعة تحرج ميار الببلاوي

تعرضت الإعلامية ميار الببلاوي، لانتقاد لاذع من قبل إحدى المتابعات، عبر حسابها الرسمي بموقع التواصل الاجتماعي «فيسبوك»، بسبب المنشور الأخير الذي نشرته عن الحج.

وهاجمت المتابعة ميار، قائلة: «نازلة شعبية إيه حضرتك اللي علامة قبول الحج، هو حضرتك كنتي بتحجي في مستوصف، هو أي كلام والسلام في إيه يا جدعان، الناس اللي بتقول سلامتك طب راجعوها في الكلام الأول، يعني اللي جاله كحة بس تتحسب ليه العمرة، منتهى العبث في الكلام والناس ولا هي هنا».

وردت عليها ميار الببلاوي، قائلة: «بصي أنا علشان تعبانة مش هنزل لمستوى حوار حضرتك، أيوة لما بنرجع تعبانين بنقول إنها علامة قبول، وده ملوش علاقة بإن اللى متعبش متقبلش، معناها إنك اجتهدتي في طاعتك قدر جهدك، ونسأل الله الحديث الشريف.. حتى الشوكة يشاكها العبد تكفر عنه ذنوبه، فما بالك مرض شديد أوي، أليس تكفير ذنوب؟».

وأردفت: «ورفع درجات بصبرنا واحتسابنا وبندعو طول الحج اللهم اغفر لنا فبنقولها تبشرًا للحاج والمعتمر، نسأل الله أن تكون علامة قبول، إيه أي هجوم وخلاص، أي تجني وخلاص».

وأضافت: «حسبي الله ونعم الوكيل في كل حد شكك في كلامي واتريق عليه، أيوة أسأل الله أن تكون علامة قبول، لأن الصبر على المرض والاحتساب أجره كبير، فقد وفقت لطاعة بعد طاعة وأجر بعد أجر».

من جانبها، قالت الإعلامية ميار الببلاوي، إن من علامات قبول الحج، الإصابة بالنزلة الشعبية وتكسير الجسد، عبر حسابها الرسمي بموقع التواصل الاجتماعي «فيسبوك».

وكتبت: «طول عمرنا عارفين إن النزلة الشعبية وتكسير الجسم بعد الحج، علامة قبول طاعة، نسأل الله ذلك، بس بجد حرفيا بموت، نسألكم الدعاء».