نجل حسن يوسف يهاجم بيومي فؤاد: فن إيه اللى بتقدمه..أنت عامل 100 فيلم هابط

وجه الفنان عمر حسن يوسف، رسالة شديدة اللهجة للفنان بيومي فؤاد، بعد هجومه على الفنان محمد سلام في ختام مسرحية «زواج اصطناعي» بموسم الرياض.

وكتب عمر، عبر حسابه الرسمي بموقع التواصل الاجتماعي «فيسبوك»: «فن إيه اللي بتقدمه، ده أنت عامل بتاع 100 فيلم هابط، وآخرهم اللي طلعت عملته على المسرح».

تصريحات بيومي فؤاد على محمد سلام

من جانبه، أثار الفنان بيومي فؤاد، جدلًا كبيرًا عبر مواقع التواصل الاجتماعي خلال الساعات الأخيرة، بسبب انتقاده لموقف محمد سلام تجاه القضية الفلسطينية، واعتذاره عن المشاركة في موسم الرياض.

وقال بيومي فؤاد بعد نهاية المسرحية على خشبة المسرح: «من حقك إنك تعتذر عن المسرحية لكن مش من حقك إنك تغلط في فنك، إحنا مبنجيش عشان نضحك حضراتكم.. ، ولو الموضوع كدا يبقى في فنانين من أيام نجيب الريحاني لحد محمد أنور، مفروض ينتحروا إحنا بنقدم فننا المصري وانتم بتحترمونا واحنا بنحترمكم جدًا». 

وتابع: «شيء عظيم إن الفنان يبقى ليه جمهور في كل الدول ... شيء عظيم إني أخرج أتصور مع شاب سعودي أو سيدة سعودية وهي تعلم إن أنا مصري أنا بشرف بلدي، أنا فنان مصري وليا الشرف».

واستطرد: «أنا وكل زملائي دول بنحبكم وبنحترمكم وهنفضل طول عمرنا معاكم، إحنا اتظلمنا والله واتهانا، وإحنا جايين نقدم فن، اقسم بالله إحنا مش بتوع فلوس أقسم بالله والله العظيم ما بتوع فلوس».

وأضاف: «تلاتة بالله العظيم العرض ده لو قعد 15 يوم تاني بدون أجر ... سيادة المستشار يعلم إحنا هيبقى لينا الشرف نقدمه وهنبقى فرحانين جدًا».

وأردف: «أنا فنان مصري وليا الشرف جيت المملكة العربية السعودية، وليا الشرف عشان نقدم فننا، إحنا مش جايين نضحك إحنا جايين نقدم فننا.. إحنا محتاجنكم وأنتم محتاجينا».