كاملة أبو ذكري تهاجم بيومى فؤاد: الفن نعمة أنت آخر واحد تتكلم عنها

هاجمت المخرجة كاملة أبو ذكري، الفنان بيومي فؤاد بسبب تصريحاته في ختام مسرحية «زواج اصطناعي» ضمن فعاليات موسم الرياض، وانتقاده موقف الفنان محمد سلام واعتذاره عن العرض.

وكتبت «أبو ذكري» عبر حسابها الرسمي بموقع التواصل الاجتماعي «فيسبوك»: «الأستاذ الفنان اللي كنت واحدة من محبيه.. لو حضرتك فاكر إنك لما تعمل عمل اتحضر و اتكتب و اتنفذ في تلات أيام، وتروح تعرضه و ترقص و تغني و تضحك و بعد كده تأخد آلاف الدولارات، لو ده بتسميه فن فأنا لا يشرفني إني أكون زميلة لك في هذه المهنة».

وأردفت: «ولما تكون بتعرض التفاهات دي ، ده لا يشرف الفن المصري، ولما تعرض التفاهة دي، و جارك بيدبحوا أطفاله ونساءه ورجاله، وتقولي الفن يبقي ماعنديش كلام أقدر أقوله غير إن الإحساس والفن نعمة 

إنتم آخر ناس تتكلموا عنها».

تصريحات بيومي فؤاد على محمد سلام

من جانبه، وجه الفنان بيومي فؤاد، رسالة إلى الجمهور الذي انتقد العرض المسرحي «زواج اصطناعي» وعٌرض في موسم الرياض بالتزامن مع الأحداث الوحشية التي شهدها قطاع غزة من قبل جيش الاحتلال الإسرائيلي.

وقال «فؤاد» عقب انتهاء العرض: «أنا وكل زملائي دول إحنا بنحبكم وهنفضل طول عمرنا نحترمكم.. كتر خيركم إحنا بنتعب وبنقدم فن مش عشان نيجي نضحك لو الموضوع كدة يبقى فيه فنانين من أيام نجيب الريحاني لغاية محمد أنور المفروض ينتحروا تحياتي لحضراتكم أنا آسف».

وأضاف أن أبطال مسرحية «زواج اصطناعي» تم ظلمهم لأنه تم إهانتهم بشكل كبير، موضحًا: «إحنا جايين نقدم فن.. أقسم بالله احنا مش بتوع فلوس.. والله العظيم لو العرض ده اتعمل بدون أجر لمدة 15 يوم كمان هيبقى لينا شرف وفرحانين جدًا.. وسيادة المستشار يعلم ده».