شذى ردًا على عمرو مصطفى: كل واحد ليه حجمه.. وبلاش الكلام ده

انتقدت المطربة شذى، الملحن عمرو مصطفى، بعد تصريحاته الأخيرة في أحد البرامج التليفزيونية، وتشبيهه للفنان بالأداة، مما اعتبرته شذى أن هذا إهانة وتقليل من شأن الفنانين.

وكتبت عبر حسابها الرسمي بموقع التواصل الاجتماعي «فيسبوك»: «طبعا الكل عارف قد إيه أنا وعمرو أصحاب وإخوات، بس المرة دي عمرو خانه التعبير زي لما بتخونه تعبيراته كتير!، المطرب عمره مكان مجرد أداة ومينفعش يتقال كلام زي ده من فنان بحجم وقيمة عمرو مصطفى».

وتابعت: «المطرب قادر بأدائه وأسلوبه يوصلك الفكرة والإحساس للناس كملحن أو يهبدهالك في الأرض بدليل فيه أغاني عبقرية لما غناها ناس أي كلام اتهبدت بيهم، فبلاش الكلام ده في التوقيت ده».

وأردفت: «المطرب عمره ما كان مجرد أداة وكفاية نقلل من قيمة بعض، كل واحد ليه دور ودور مهم.. دي منظومة كاملة الأغنية مؤلف وملحن وموزع ومهندس صوت ومطرب.. كل واحد ليه حجمه وقيمته.. مش بظرميط وشكرا».

من جانبه، أكد الملحن عمرو مصطفى، أنه هو المبدع والسبب في نجاح الأغنية، وأن الملحن وجوده هو الأساس، والفنان مجرد آلة.