أحمد العوضي يهاجم أفيخاي أدرعي: «فلسطين عربية.. ولا وجود لكم»

هاجم الفنان أحمد العوضي أفيخاي أدرعي، عبر حسابه الرسمي على موقع التواصل الاجتماعي «فيسبوك»، لنشره فيديو لجيش الاحتلال الإسرائيلي، وهو يرقص على أنغام أغنية حلوة يا بلدي.

وعبر أحمد العوضي عن غضبه لما ينشره أفيخاي أدرعي، من فيديوهات تثير استفزاز وغضب الشعوب العربية.

وعلق أحمد العوضي قائلًا: «طول فترة الحرب الغاشمة، علي أهلنا وناسنا في غزة، وأنا شايفك بتبيع الباطل وفخور بنصركم المزعوم، ومنزل فيديو امبارح لجيشك، وهو بيرقص علي نغمة حلوة يا بلدي، أي بلد بقي اللي انت بتتكلم عليها، هو انت ليك بلد ولا ليك جهة، ولا ليك أرض أصلًا عشان تبقي حلوة، وترقص عليها، البلد اللي جت من وعد بلفور المشؤوم، لما كنتو شوية ... و... مشردين في العالم كله، فاداكم  فلسطين الحبيبه عشان تعملو عليها ... بتاعتكم، مش هقول دولة لأن ... مبتعيش في دول ... مكانها....»

وتابع أحمد العوضي قائلًا: «العيال اللي انت مصورهم، بيرقصو انهم انتصروا، انتصروا علي مين، علي أطفال عزل ونساء وشيوخ، انتصروا في حرب_هم على المستشفيات والبيوت الآمنة، وما يفخر المنتصر إلا علي الخصم العتيد، قسمًا برب السما والأرض، إنك لو واقع مع جيش بجد ليجريكم قدامه زي...البلدي، لكن انتوا شوية...،   متكدبش الكدبه وتصدقها وتعيش في وهم انت أول واحد انت واللي مشغلك عارف انه وهم اسمه دولة إسرائيل، أنا بتمني منكم إنك تغلطوا الغلطة الكبرى، عشان ساعتها وقرآني الكريم اللي ربي وعدني فيه إنكم هتخلصوا، ورب العزة ساعتها فعلا هتخلصوا، فلسطيييييين عربيه ولا وجود لكم».

ونشر الفنان أحمد العوضي صورة أخرى وعلق عليها قائلًا: «اليوم وغدًا القدس لنا».