عمر كمال عن الغربة: «الناس بتنساك مع الوقت.. مش كل حاجة الفلوس»

تحدث الفنان عمر كمال خلال فيديو في إحدى اللقاءات الإعلامية، عن موضوع الغربة والمعاناة التي يعيشها الإنسان وهو بعيد عن أهله وبلده.

ونشر عمر كمال الفيديو عبر حسابه الرسمي على موقع تبادل الصور والفيديوهات «إنستجرام»، وعلق قائلًا: «لما بتتغرب الناس بتنساك مع الوقت».

وعلق عمر كمال خلال الفيديو قائلًا: «لا، هي ناس بتشوفهم في الصيف، لما بينزلوا راكب عربية حلوة، جايب هدايا، جاب شقة، راح يصيف، لكن هما بيسددوا ديون محدش يعرف يسدها، تاخد كام وتشوف إبنك بيكبر بعيد عن عينك، تاخد كام وماتبقاش جنب حد حبيبك في فرحه وحزنه، لو حد قريب منك وعزيز عليك مات، ماتبقاش جنبه، تاخد كام وأنت شايف الناس بتنساك، سنة ورا سنة عشان أنت بعيد عنهم، ومش موجود وسطيهم، تاخد كام وأنت شايف حياتك وعمرك بيعدى وأنت  بعيد عن حبايبك وأصحابك، مش كل حاجة تتحسب فلوس، وهو ده تمن الغربة وهما بيدفعوه».

وتابع عمر كمال بأغنيته الشهيرة «الغربة»، وهي من كلمات : الشاعر سامى النويهي، وألحان : محمد وسام، و توزيع : أحمد طايع.

كلمات أغنية الغربة:

« كلمات أغنية الغربة « ويلي من الغربة يابا، ويلي ويلي ويلي ويلي ويلي ويلي ويلي، بعد سنين في الغربة شفوني قالولي جايب ايه من بره، قولت ياريتهم لو سألوني انا في الغربة بكيت كام مره، جبت حاجات من اللي يحبوها، جبت فلوس وياريت ياخدوها، ويردولي شباب ضاع مني وسنين مت وهما عاشوها، على ايه بس يا ناس حاسدني، واشقى مافيكم أسعد مني أنتم عشتم احلى سنينكم وانا في الغربة معشتش سني، انا الكبير قبل أواني وبختي للغربة رماني، خدو مني كل اللي جمعتوا، وأرجع صغير من تاني انا راح عمري الم ودموع، أنا قضيتها سفر ورجوع وإن فكرت أضحك من قلبي، قلب الغربه يقول ممنوع اتحملت يا ناس فوق طاقتي، واتغربت في عز برأتي كتبوا لكل الناس عنوانها، وانا كتبولي غريب في بطاقتي ثمن الغربه دفعته بدمي، بسنين فيها بعيد عن أمي ولما نويت ارجع علشانها رحلت لأجل تزود همي، مين في الغربه يا ناس مبسوط مين على راحته مش مضغوط، مين اتحدى يقول مش خايف أنه بعيد عن بلده، يموت اللي بتسعى عشان تتغرب خدها نصيحة و أوعى تجرب، كلها بدوقه في بلدك وأوعى من مشاوير الغربه تقرب».