هالة صدقي: "اعتزلت الفن ورجعني عن القرار جعفر العمدة"

قالت الفنانة هالة صدقي، إن قبل شخصية صفصف التي قدمتها في مسلسل جعفر العمدة وحققت نجاحًا كبيرًا في الموسم الرمضاني 2023 كانت تُفكر في اعتزال الفن بشكل نهائي.

وأضافت "صدقي" أن الوضع في الوسط الفني هذه الفترة كان السبب في تفكيرها في الاعتزال، موضحة: "كام تجربة ورا بعض حسيت إن الحكاية باظت شوية مش ده اللي أنا متربية عليه، يعني المخرجين الورق بيتكتب في اللوكيشين والبطل ممكن يلغي المؤلف خالص ويغير مخرجين، وألاقي لو في بطل أو بطلة تاني نفطس دور تاني عشان نجاملها، ودول بيشتغلوا لمصلحة أشخاص، الكويسين بقوا قليلين أوي".

وتابعت أنها قدمت دور صفصف بسبب مخرج العمل محمد سامي، لأنها تثق فيه جدًا فهو مخرج مختلف وجمع بين الجديد والقديم، قائلة: "قبل ما يكتب صفصف كلمني وقالي جالي فكرة أكتبها؟ بس هي أم لولدين كبار قولتله أنا ممثلة، هو ممثل مش حقيقي ومتواضع وبيفكر برا الصندوق، وعلشان كده هو محمد رمضان ركبوا مع بعض جدا لإنهم بيفكروا برا الصندوق".