موعد جنازة الإعلامية سارة حسن بعد صراع مع المرض

أعلن الصحفي سامي عبد الراضي، عن وفاة الإعلامية سارة حسن، بعد تعرضها لأزمة صحية منذ أشهر، حيث كتب عبر حسابه الرسمي على موقع التواصل الاجتماعي «فيسبوك»، قائلًا: «قبل قليل، وبعد صراع عامين مع المرض اللعين، فاضت روح أختي  الغالية وزميلتي  وصديقتي الجدعة المذيعة سارة حسن».

وتابع سامي عبد الراضي: «بالدموع تواصل معي والدها اللواء محمد حسن، ودون مقدمات: «أيوة يا سامي، سارة ماتت»، ربنا يرحمك يا سارة ويجعل مثواكي الجنة ويغفر لك ويعوض شبابك في الجنة، ويجعل مرضك وتحملك وصبرك ورضاكي في ميزان حسناتك».

كما أعلن عن موعد الجنازة: «الجنازة بعد صلاة عصر اليوم من مسجد السلام في مدينة نصر، والعزاء غداً في قاعة الصفا بمسجد المشير، وإنا لله وانا اليه راجعون». 

 وتابع سامي عبد الراضي: «كتبت سارة على فيسبوك في 21 ديسمبر الماضي، يمكن في لحظات المرض، المريض بيحتاج دعم، بيحتاج ثقة، بيحتاج طبطبة، بيحتاج تشجيع وخصوصاً اللي بيواجه المرض اللعين».

وأكمل: «لكن زميلتي واختي الغالية سارة حسن الإعلامية والمذيعة السابقة بقناة المحور في حتة تانية، هي اللي بتقوي والدها الراجل الجميل اللواء محمد حسن، وبتقوي شقيقيها هشام وخالد، وكمان بتدي قوة لأصدقائها وأصحابها وأنا منهم: «تقولي والله يا سامي انا خرجت من العمليات قوية عشان بابا، ودخلت وكلي امل في ربنا اخرج عشان بابا، انا مش عايزة بابا يزعل ولا يتكسر، وأنا هاقوم من المرض ده وهاهزمه».

تفاصيل مرض الإعلامية سارة حسن

وكشف سامي عبدالراضي: «سارة وبايد دكتور الاورام المصري رامي أمين، شالت  ورم علي شريان المخ بعد ثقة كبيرة  في ربنا سبحانه وتعالي وفي الدكتور رامي، وقالت لأخوها هشام  مش هسافر فرنسا، أنا هعمل العملية مع دكتور مصري جنب بابا، عندنا دكاتره شاطره والله و وثقت فيه جدًا، وعملت العملية معاه في مستشفي السلام الدولي، سارة داخلة علىً  مرحلة تانية في العلاج، وفيه جلسات كيماوي، اللي سارة بتدلعه وتقول عليه "كيمو"، وبتنتظر كمان  نتيجة تحليل عينة الورم».

وأردف: «سارة هتكمل رحلة العلاج بقلب قوي وذهن حاضر ويقين ثابت انها هتنتصر، واثق فيكي يا سارة وفي  قوتك وجدعنتك وقدرتك انك تخطي كل صعب، وترجعي أحلى وأفضل مما كنتي، ترجعي تاني وتنطلقي، زي ما كنتي منطلقة معانا في سنواتنا الاولى ببرنامجنا العظيم 90 دقيقة مع معتز، منتظرينك يا سارة وشكراً علىً هديتك الحلوة، كتاب ربنا، والشيكولاتة».