مجدي سعيد : في مخرجين بيكرهوا الممثل ولو متحطتش في دور كويس في الحشاشين مش هشتغل

كشفت الفنان مجدى سعيد تفاصيل ترشيحه لمسلسل "الحشاشين " قائلا :' بعتولي عليه من السنة اللي فاتت، وان شاء الله يكون حاجة كويسة، هما صوروا في قبرص وكان المفروض هيتعرض رمضان ٢٠٢٣ هيبقي في رمضان ٢٠٢٤ وبتعشم اكون محطوط في حاجة كويسة لأني لو مش محطوط في حاجه كويسة مش هشتغل.

أضاف خلال حواره مع الإعلامية انجي هشام في برنامج المنسي عبر قناة هي قائلا :' دكتور بيتر راعاني أوي وأنا بحبه أوي وبيفرق لما بكون المخرج حابب الممثل، في مخرجين بيكرهوا الممثل أو هو شخصيا بيكون نفسه يمثل ودي زمايلنا شافوها يعني.

وتابع :' اللي بيكون فاهم في حرفية الشغلانه اوي بيحسها، في مخرج بيكون معندوش الا النجم والنجمة والباقي ده كله جاي يكمل، وفي مخرج يقولك ايه انت عندك أحسن من كده.

برنامج " المنسي" هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر مساءا ويستضيف عددا من نجوم الفن والإعلامين الذي غابت عنهم أضواء الشهرة والنجومية.