الرئيس السيسي: مصر لن تتجاوز حدودها ولن تستخدم قوتها إلا للدفاع عن نفسها

قال الرئيس عبد الفتاح السيسي، إن التاريخ دائمًا ما يسجل ويشهد علي المواقف فيما بعد قائلًا «هنا لازم اسجل أن مصر ابدا عبر تاريخها الحديث والقديم مكنتش بتتجاوز حدودها، دايما كنا كل اهدافنا ازي نحافظ علي أرضها دون أن تمس، إن دا معناه ان الجيش المصري بقوته ومكانته وبقدرته وكفائتة هدفة حاجه واحدة بس، وهي حماية مصر وأمنها القومي دون تجاوز».

وأضاف الرئيس السيسي، خلال اصطفاف الجيش المصري بمشروع حرب بالجيش الثالث الميداني: « وفي ظل الظروف الموجودة في المنطقة دلوقتي، والكلام هنا لينا كلنا للعسكريين والمدندنين مهم جدًا وانك وانت بتمتلك القوة تكون تستخدمها بتعقل وبرشد وبحكمه ولا تطغي، ولا تستغل الطغيان، إحنا عندنا القوي عشان ندافع عن نفسنا ونحمي بلدنا، ونتعامل مع الظروف بعقل ورشد وصبر، وأوعي الغضب وأوعي الحماسة تخليك تفكر أبدًا بشكل تتجاوز فيه، اوعي أوهام القوي تدفعك انك تاخد قرار وتعمل اجراء يخليك بعد كدا تقول مكنتش دارس كويس أو مدفوع بغضبي».

وتابع الرئيس السيسي: «احنا بنتعامل مع كل شيء بعقل واحنا عندنا القدرة وبمناسبة التطورات اللي بتحصل في قطاع غزة، إحنا بنقوم بدور إجابي في احتواء التصعيد اللي موجود وبنحاول نوصل لإقاف الي  هذا الصراع ووقف لإطلاق النار بشكل أو اخر وإيقاف نزيف الدم ونسعي جاهدين بالتعاون مع الاشقاء والأصدقاء لاحتواء التصعيد ومساندة المدندنين في قطاع غز بالمساعدات والاشياء التي يحتاجوها جراء الحرب، بسبب لا وجود للوقود ولا طعام ولا مواد غذائية».