صبري فواز معلقا على مطالبات إيقاف النشاط الفني: «كل شخص ومقدرته»

علق الفنان صبري فواز، على مطالبات الجمهور بإيقاف النشاط الفني، وإلغاء المهرجانات الفنية تضامنًا مع أحداث فلسطين، معربًا عن استيائه من الهجوم المستمر على النجوم الذي يواصلون نشاطهم الفني.

وكتب «فواز» عبر حسابه الرسمي بموقع التواصل الاجتماعي «فيسبوك»: «اللي يقدر يساعد بحاجة كتر خيره.. ولو مافيش حاجة تقدمها شوف شغلك».

تعليق صبري فواز على إيقاف النشاط الفني

وأردف: «لو بس عملت شغلك، يبقى أنت عملت اللي عليك، ومش مطلوب من أي حد أنه يعمل (كل) حاجة، لكن مطلوب من كل واحد يحط قطعة من البازل، هتكمل الصورة».

واختتم: «لكن نقعد نزايد على بعض.. ونقول إلغي الأنشطة، ده كلام مش مظبوط .. لأنك لو بطلت تعيش حياتك، يبقى عدوك انتصر عليك.. عيش وقاوم».

وانقسم المتابعين إلى قسمين بعض يؤيد كلامه والأخر ينتقده، وجاءت التعليقات كالتلى: «يسلم لسانك»، «هي مش مزايدة.. هي برضه حتة من البازل.. زي ما صلاح حط حتة من البازل وشجعناه»، «كلام من دهب»، «كل شخص ومقدرته مش لازم ناخدها مزايدة ببساطة قلبه تقل ومش قادر.. كام مرة واحد ينزل الشغل وهو حاسس أنه مش عارف.. ربنا يراضيه وينجي أهلنا».