حورية فرغلي تعلن عن التبرع بأرباح مشروعها لأهالي غزة

كشفت الفنانة حورية فرغلي عن تبرعها بأرباح البازار الخاص بها لأهالي غزة، وذلك للتضامن مع ما يحدث بفلسطين، وأيضًا كنوع من أنواع الدعم للقضية الفلسطينية.

وشاركت حورية فرغلي، تفاصيل القرار مع جمهورها من خلال مقطع فيديو قامت بنشره على حسابها الرسمي على «فيسبوك»، وعلقت عليه قائلة: استنوني في بازار يوم 26 أكتوبر مع صديقتي، وكل أرباح البازار هتروح لأهل غزة.

حورية فرغلي تتبرع لأهالي غزة

وفي سياق أخر، نشرت الفنانة حورية فيديو لها توجه فيه رسالة لأهل فلسطين مؤخرًا، قائلة: «أنا بعمل الفيديو ده تضامن مع شعب فلسطين الحبيب وقلبي كله حزن وبيتقطع من اللي أنا بشوفه، ويا رب فك كربهم وينصر أهلنا في فلسطين، الأطفال اللي بيموتوا مش ذنبهم حاجة والناس مش ذنبها حاجة اللي بتروح ضحايا من غير ما تعمل أي حاجة، معقولة الناس تروح ضحايا حد عمل حاجة غلط هما ذنبهم إيه الناس دي تموت، يعني انتوا بتحاسبوا شعب بسبب فئة غلطت حرام الناس اللي بتموت دي يا جماعة».

وتابعت «حورية»: «أنا مليش في السياسة خالص ولا بتكلم فيها بس والله العظيم لأول مرة، لازم جامعة الدول تتكلم وتعمل حاجة واحد يحاسب البلد كلها، وحرام الأطفال اللي بتموت دي اللي مش ذنبها إنها جت الدنيا تخرج وتدخل الدنيا بمزجنا إحنا».

واختتمت حورية فرغلي: «بصراحة أنا حزينة جدًا جدًا وبشوف الفيديوهات بتقطع وساعات مش بقدر أكملها بس لازم يكون فيه حل، ولازم الناس اللي تقدر تحل تحل بجد حرام اللي بيحصل ده وأنا بدعي ربنا إن الموضوع ده ينتهي».