أسما شريف منير: بعد اللي بيحصل في غزة اللي مبيصليش لازم يصلي

أكدت الإعلامية أسما شريف منير، أن ما يحدث في فلسطين حاليًا بمثابة درسًا قويًا لجميع الشعوب، موضحة أن الإنسان لا بد ألا يكون مُدعي، وحثت المتابعين على الالتزام في الصلاة والابتعاد عن الرياء والنفاق.

نشرت «أسما» مقطع فيديو، عبر حسابها الرسمي بموقع التواصل الاجتماعي «إنستجرام»، وكشفت عن تأثير ما حدث في غزة عليها نفسيًا وأخلاقيًا.

وقالت في الفيديو: «اللي بيحصل ده ليه سبب على أصعدة كتير أوي، والإسلام ظهر قد إيه في ناس طيبين وقد إيه فيه ناس كتير بتخاف على بعض وقد إيه إحنا بنحب البلد».

تعليق أسما شريف منير على أحداث فلسطين

وأضافت: «بالرغم من أن القضية الفلسطينية بقالها كتير، لكن إحساسنا زاد بيها أكتر الفترة الأخيرة، بشوف على أكونتات كتير ناس بتحاول تساعد وتعلي صوتنا وفي ناس بتتريق وتعمل ميمز بتضحك، وفي ناس بتشتم وناس بتحبط».

وأردفت: «لو اللي بيحصل ده مش هيعلمنا حاجات كتير، في درس في اللي بيحصل ده لازم الواحد ميبقاش مُدعي، وفي ناس بتكتب عنده فلسطين الحرة وتلاقيه بيشتم وبيقلل في الناس وبيعمل حاجات مش حلوة في حياته».

وتابعت: «اللي بيحصل ده بينعكس علينا في حياتنا ولازم الواحد اللي مبيصليش يحاول يرجع يصلي، الالتزام صعب، واللي بيبقى عنده نقمة على البلد بتاعته أو أي حاجة بتحصل في سياستها لازم يحمد ربنا أن أنت عندك بلد وجيش بيحميك.. لازم يكون عندنا امتنان حقيقي مش مجرد شير وخلاص».