بسنت السبقي: «مبحبش أتحصر في دور الـ bad girl.. ومبقلعش هدومي»

حلت الفنانة بسنت السبقي ضيفة على برنامج “Face Off” الذي تقدمه الفنانة سارة نخلة على شاشة قناة "هي"، وتحدثت عن أعمالها الفنية

وقالت بسنت السبقي: المخرجين بيحصرونى فى دور ال bad girl بسبب ملامح وشى الكيوت ولكن قادرة أنها تتحول.. وانا بحب نوعية الأدوار دى لأنى مش بقلع هدومى الفكرة كلها انى متأكدة محدش هيعرف يعمل الدور دة زيي، لو طلع من حد تانى هيطلع بشكل عادى.

وتابعت بسنت السبقي : دوري في فيلم أهواك هو شخصية المرأة العصرية والرياضية مش الفجة، واعتذرت عن دوري في مسلسل هبة رجل الغراب دور "ريهام حجاج" ومخفتش من المقارنة لأنى عارفة كل واحد ليه الحته بتاعته وانا بشوف لما الحاجة بتقف ف بتقف علشان دة خير.

واما عن اعتزال الفنانات مؤخرًا وعودتهما مرة أخرى مثل ميرهان حسين، فقالت السبقي:"الناس اللي كل شوية تعتزل وترجع دى ناس معندهاش مضمون ممكن شكلها حلو وبتلبس حلو بس كمشاهد بيفهم هيزهق أو هيشوفها مرة والتانية وبعد كدة خلاص طول ما انتى شغالة على نفسك بينك وبين نفسك ربنا هيبعتلك الرزق لحد عندك".

‎ برنامج “ FACE OFF” تقدمه سارة نخلة عى شاشة “هي” يوميًا من السبت إلى الاثنين، وتستضيف خلاله عددًا من نجوم الفن، وتناقش القضايا المطروحة يوميًا بين الجمهور.