يحيى الفخراني للرئيس السيسي: شكرًا على حكمتك وقوتك وحمايتك لمصر

عبر الفنان يحيى الفخراني خلال جلسة مجلس الشيوخ التي تم انعقادها اليوم بشكل طارئ لمناقشة قرارات الرئيس السيسي بشأن ما يحدث في فلسطين عن امتنانه لقرارات الرئيس السيسي وحكمته وبعد نظره في إتخاذ هذه القرارات وإحساسه الدائم بالأمان منذ توليه المسئولية.

وقال الفخراني في كلمته: «متشكر أوي مش حابب أزود على اللي اتقال، كل اللي اتقال ده جميل جدًا، بس الحقيقة اللي هو ان أنا حسيت أن قرار الرئيس لحماية حدودنا وده مهم، خاصة ان هناك بعض الألسنة التي كانت تعترض على زيادة تسليح الجيش  ..أنا رأيي ربنا ما يجيب حرب لكن دايمًا لازم نبقى أزيد من الأعداء اللي حوالينا، ده مهم أوي». 

وتابع الفخراني: «تاني حاجة أن المصري بطبيعته الأرض والعرض عنده متساويين، يعني لا يمكن التفريط فيه والدليل على مر العصور أن المصري بالتحديد كان يحمي أرضه، يعني أقولكم على حاجة طلعت أغنية قبل كده أسمها عواد باع أرضه شوفوا طوله وعرضه، الناس هزأوا الراجل اللي باع أرضه». 

وأضاف الفخراني موجهًا الشكر للرئيس السيسي: «في الحقيقة أنا حابب أشكر الرئيس على حكمته وقوته وبعد نظره، لأن طول ما فيه حوالينا أعداء وطامعين لازم نبقى أقوى منهم بأي شكل من الأشكال، يارب ما يجيب حرب طبعًا الكل خاسر فيها، لكن لازم دايمًا يكون اللي حوالينا حاسيين اننا قادرين، والحمدلله أن ده حصل.. شكرًا سيادة الرئيس».