مي سليم لـ «الجمهور»: اعتذرت عن طبيبة «شرعية» بسبب «السجل الأسود | حوار
![مي سليم مي سليم](https://media.algomhor.com/2023/6/large/1684148421093520230623040236236.jpg)
مي سليم
ندى يوسف
خطفت الفنانة مي سليم، الأنظار في السباق الرمضاني الماضي 2023 بدور «سمر» في مسلسل «تلت التلاتة»، بطولة الفنانة غادة عبدالرازق، وقدمت الدور ببراعة فائقة.
«من أجدع وأقرب الشخصيات لقلبي».. بهذه الكلمات كشفت الفنانة مي سليم، عن طبيعة علاقتها بالفنان الراحل مصطفى درويش، بعد تعاونهما سويًا في «تلت التلاتة».
وأجرى «الجمهور» حوارًا مع الفنانة مي سليم حول كواليس مشاركتها في «تلت التلاتة»، وعن أعمالها الفنية خلال الفترة المقبلة، وجاء الحوار كالتالي:
ما سبب اعتذارك عن مسلسل «طبيبة شرعية»؟
وقتي للأسف لم يسمح إني أصور حاجتين مع بعض بسبب انشغالي في تصوير مسلسل «السجل الأسود»، مع الفنان خالد سليم، فالمواعيد تضاربت تمامًا، وإحنا لسه لم ننتهي من التصوير، وبإذن الله يعجب الجمهور.
كيف رأيتِ التعاون مع الفنانة غادة عبدالرازق؟
ده التعاون التاني بيني وبين غادة، وأنا بحب كواليسنا مع بعض جدًا، بتبقى طبيعية وجميلة، وهي نجمة كبيرة، وممثلة عظيمة، وأنا بحب الشغل معاها.
هل سيكون هناك جزء ثانٍ من «تلت التلاتة»؟
للأسف معرفش خالص إذا كان فيه جزء تاني من المسلسل ولا لأ، ومفيش حد كلمني بخصوص حاجة زي ديه.
حدثينا عن كواليس تعاونك مع مصطفى درويش في المسلسل وطبيعة العلاقة بينكما؟
مصطفى من أجدع وأطيب وأنضف الشخصيات، وربنا يرحمه ويجعله في الجنة يارب، وهو من أقرب الشخصيات لقلبي، واستمعت بالشغل معاه وشخص طيب وملتزم ووقور، كل الصفات الجميلة كانت في مصطفى.
ما أكثر المشاهد صعوبة في المسلسل؟
مشهد القتل كان من أصعب المشاهد، عشان كنا بنصوره علي كذا يوم وكان فيه شغل كتير جدًا.
كيف تعمقتي في تفاصيل شخصية «سمر» وما الذي جذبك للمسلسل؟
والله أحنا اول ما مسكنا الورق اشتغلنا علي الشخصية علي طول ولبسها وطريقة كلامها وكل حاجة، ولم يكن متاح وقت كافي قبل التحضير والتصوير، كان التحضير قبلها بأسبوعين فقط، أخدت الورق وبدأت شغل فورًا، واللي جذبني للمسلسل الورق كله الحقيقة كان روعة.
ما المعايير التي تختاري علي أساسها أدوارك ؟
لازم أحس الشخصية، وأحس إنها مختلفة وجديدة، ورايحة فين وجاية منين، وإيه الرسالة اللي بتقدمها، وهدفها إيه بأنها تكون موجودة في الورق، وإيه أبعادها، وأحاول إني مكررش حاجة قدمتها قبل كده.
ما أعمالك المقبلة في مجال الغناء والسينما؟
إن شاء الله علي أخر شهر أغسطس هنزل أغنية جديدة، إحنا دلوقتي في مرحلة إني بسمع أغاني عشان اختار منها الأنسب.
أما بالنسبة للسينما فأنا مستنية عرض فيلين «كابتن جاك» و«التاروت»، ولكن لسه لم ننتهي من التصوير وفاضل يوم تصوير في كل فيلم.
متى موعد عرض فيلمي «التاروت» و«كابتن جاك»؟
مش عارفة والله حسب خطه الإنتاج هتبقي عاملة إزاي، بس كان المفروض إنهم ينزلوا في العيد، وبعد كده أجلوهم لبعد العيد، بس ننتهي من التصوير إن شاء الله وبعدين نبقي نشوف.
أخبار ذات صلة
توقعاتك لنتيجة مباراة مصر وبوتسوانا في تصفيات أمم أفريقيا ؟
-
فوز مصر
-
فوز بوتسوانا
-
تعادل المنتخبين