بتمرن على السباحة فى الساحل.. فيفي عبده تنفى غيابها بسبب المرض

تعود الفنانة فيفي عبده لتثير الجدل من وقت لآخر بفيديو لها، خاصةً هذه الفترة، بعد تداول مواقع التواصل الاجتماعي أزمتها مع أحمد الزواوي.

حيث نشرت فيديو لها من الساحل الشمالي عبر حسابها الرسمي على موقع تبادل الصور والفيديوهات «إنستجرام».

وظهرت فيفي عبده وهي تعوم في البحر وقالت: «الله، المية روعة ما شاء الله، يارب عليا بالخير والصحة، أنا بقالي شهرين هنا بتمرن على السباحة، عايزة أقولكم أن هو ده المكان اللي أنا بتمرن فيه ومش بظهر لكم في فيديوهات بسببه، ومش عارفين أنا بعمل إيه عشان المنظر الجميل ده، وإن شاء الله أمان يا مصر وعمار يا مصر، ما شاء الله، كل سنة وانتوا طيبين، حبيت أوريكم أنا بقالي شهرين بعمل إيه، أديني بعمل الرياضة اللي انتوا شايفينها، جايب لي الدكتور حاجات أمسك فيها عشان مش بعرف أعوم، بحب المية أعمل إيه لازم أعوك في المية عشان أبقى كويسة، وزي الفل».

تنشر الفنانة فيفي عبده هذه الفيديوهات كثيرًا عبر حسابها على إنستجرام، خاصةً فيديوهات رقص لها على شاطئ البحر في الساحل الشمالي، ودائمًا يتفاعل معها رواد مواقع التواصل الاجتماعي بين مؤيدين ومعارضين.

أزمة أحمد الزواوي وفيفي عبده

جدير بالذكر أن الفنانة فيفي عبده تعرضت لأزمة مؤخرًا، عندما كشف المنتج أحمد الزواوي عن السحر الذي أعده للفنانة فيفي عبده، وإصابتها بأزمة صحية شديدة، بعدما رفضت رد «عربون» أحد الأفلام إليه عقب إلغاء العمل.

وأضاف: «والكتاب ده أنا أخدته من الكتب اللي كان جدي محتفظ بيها كتراث عنده.. وكتن بيعالج بالكتاب ده.. وفيه آيات معينة متعلم عليها بتفك أي مشكلة بتواجه أي حد».

وأكد أنه كان يخفي هذا السر طوال هذه الفترة بسبب عدم رغبته في الإفصاح عنه، ولكن هناك أناس أجبروه على كشف السر، وحل اللغز.

وكان المنتج أحمد الزواوي، قد اتهم فيفى بالنصب عليه في مبلغ مالي كبير، بعدما رفضت إعادة «عربون» أحد الأفلام، الذي كان من المفترض عرضه في 2017، ولكن تم إلغاؤه لظروف خاصة.

وقال «الزواوي» لـ «الجمهور»: «فيفي كانت ماضية بطولة فيلم في 2017 وهي البطلة، وكان معاها المطربة أمينة، وبيومي فؤاد، وحجاج، وسمسم شهاب، وتم التعاقد وأخدت 15 في المية وكان فيه شهود، وهي كانت بتقول أنا هنجح الفيلم وهات فلانه وهات فلانه».

وأردف: «وجهزنا وداخلين وبعدين حصلت وفاة جوز بنتها، عشان بنتها كانت معانا، وبعد الوفاة بفترة اتواصلنا معاها قالت يلا أنا جاهزة وجهزنا وحجزنا لوكيشن، وبنكلمها نأكد المعاد، بقيت مش بترد خالص علينا، كل الناس كلموها مكنتش بترد قولنا خلاص نأجل التصوير».