محمد حماقي يهنئ المصريين بمرور 50 سنة على حرب أكتوبر

نشر الفنان محمد حماقي فيديو عبر حسابه الرسمي على موقع تبادل الصور والفيديوهات «إنستجرام».

وظهر محمد حماقي في الفيديو وهي يغني أغنية وطنية جديدة خلال مشاركته في فعاليات حفل الندوة التثقيفية للقوات المسلحة بمناسبة مرور 50 عامًا على نصر أكتوبر المجيد ، في حضور الرئيس عبدالفتاح السيسي، ومجموعة من قيادات الدولة المصرية.

وهنأ حماقي في الفيديو مصر والمصريين بمرور 50 عامًا على نصر أكتوبر المجيد، وعلق قائلًا: «كل سنة ومصر والمصريين بخير وأمان وسلام بمناسبة مرور 50 سنة على حرب أكتوبر».

وقدم حماقي خلال الحفل أغنية وطنية جديدة تتحدث عن أن المصري لا يضعف ولا يستسلم، ولا يعرف المستحيل وأنه فات الكثير وباقي القليل على التطور الذي يحلم به الشعب المصري.

كلمات الأغنية

«كم مرة قالوا لك انك مش ممكن تقدر، كم واحد حاول في الدنيا يجيب لك إحباط، بس أنت قدرت ويوم عن يوم حلمك يكبر، في إيمانك وعزيمتك أنت بتتقال حكايات، المصري بجد لا يضعف يوم ولا يستسلم، وعنيه دايمًا على المستقبل وعلى اللي ماجاش، عمره ما يرتاح غير لو شاف بلده بتتقدم، وقت ما تندهه له بيجري عليها ما يستناش، فات الكتير، فات الكتير ومش باقي إلا القليل، والمصري ما بيعرفش المستحيل، ياما شاف الخير في النهار من قلب الليل وفاق، فات الكتير، فات الكتير ومش باقي إلا القليل، والمصري ما بيعرفش المستحيل، ياما شاف الخير في النهار من قلب الليل وفاق، أنا هفضل جنبك عمري ما أسيبك لو ثانية، وكفاية عليا أن انا مصري ده أكبر تكريم، أطمني طول ما أنا عايش على وش الدنيا، اللي يقرب لك قولي عليه يا رحمن يا رحيم، فات الكتير، فات الكتير ومش باقي إلا القليل، والمصري ما بيعرفش المستحيل، ياما شاف الخير في النهار من قلب الليل وفات، وبلادي.. بلادي.. بلادي، اه يا أملي من الدنيا دي، أفديكي بعمري ده عادي، وهغني لك يا بلادي، بلادي.. بلادي.. بلادي، وبلادي.. بلادي.. بلادي، اه يا أملي من الدنيا دي، أفديكي بعمري ده عادي، وهغني لك يا بلادي، بلادي.. بلادي.. بلادي،».