طه دسوقي خلال احتفالية أكتوبر : الخطابات كانت وسيلة التواصل الوحيدة

حل الفنان الكوميدي طارق دسوقي ضيف في الندوة التثقيفية للقوات المسلحة بمناسبة مرور 50 عامًا على نصر أكتوبر وذلك في حضور الرئيس عبدالفتاح السيسي.

وبعد عرض فيلم تسجيلي طويل عن حرب أكتوبر وكيف انتصر المصريين في حرب أكتوبر المجيدة صعد الفنان طه دسوقي على المسرح ليلقي كلمته قائلًا: «فيلم مهم وعظيم، تحية لكل صناعه، وتحية لكل حد بيساهم في توثيق وتخليد ذكرى نصر أكتوبر العظيم، النصر الأهم والأغلى في تاريخنا الحديث، زمان كان التاريخ يكتبه المنتصرون، لكن دلوقتي للأسف كتابة التاريخ بقت متاحة لأي حد، خاصةً أننا في عصر السوشيال ميديا وتداول الأخبار بقى أسهل وأسرع بكتير، فتلاقي ناس عينوا نفسهم مؤرخين عننا، كل واحد يكتب اللي هو عايزه».

وأضاف دسوقي: «تلاقي حد كاتب أن كليوباترا من أصول أفريقية، حضرتك عندك دليل على ده، يقول لأ ده  جدعنة مني، تلاقي حد تاني كاتب رجوعًا إلى التاريخ الأهرامات بنوها الفضائيين، وواحد تاني كاتب أنا عندي حجة أن الأرض اللي احنا عايشين عليها دي مسطحة مش كروية، كل واحد بيكتب النسخة الخاصة به من التاريخ دون الرجوع إلى مراجع».

وتابع دسوقي: «لما نلاقي النهارده بعد 50 سنة على نصر أكتوبر وإنسحاب إسرائيل من سيناء بالكامل، لسه فيه ناس بتنزل بوستات بتشكك أن مصر هي اللي كسبت الحرب، أمال المكسب في الحروب بيتقاس إزاي، بعدد اللايكات عشان كده يوم زي النهاردة مهم جدًا، مهم نتجمع ونحكي تاريخنا زي ما حصل، مهم أننا نفتكر أبطالنا وجنودنا عشان تفضل الحقيقة موجودة  بلسان إللي حضرها، ونفضل إحنا جيل بيسلمها لجيل ونوثقها بأفلام وأغاني هتفضل عايشة بتحكي تاريخنا، المهم نفتكر جنودنا وأبطالنا اللي كانوا شباب وقتها بالمناسبة، والشباب دول كان لسه العمر قدامهم بس محدش فيهم ما اختارش بلده، وما اختارش أنه يواجه الموت في كل لحظة عشان نرجع أرضنا، والشباب دول بالمناسبة ماكانش على أيامهم سوشيال ميديا، كانوا بيبعتوا جوابات يمكن أنا ماحضرتش الجوابات، بس الجواب وقتها كان ليه خصوصية بخط أيد اللي كاتبه، وكان بيبقى فرح لما ساعي البريد يبقى جايب جواب من جندي مقاتل على الجبهة، ده جواب يلخص فيه كل المشاعر الصادقة، جواب بسيط لأمه يسلم فيه على الأهل والقرايب والعيلة والصحاب فرد فرد، جواب من القلب للقلب».