الرئيس السيسي: وفاة جمال عبد الناصر كانت ضربة كبيرة للشعب المصري

قال الرئيس عبد الفتاح السيسي، إنه رغم الدعم العربي لحرب أكتوبر 1973، تم تخصيص كل موارد مصر لصالح المجهود الحربي، متابعا: "لكم أن تدركوا أن الشعب المصري في هذا الوقت كان يخرج يجيب حاجته بالطابور، وقضية الوعي اللي أقصده أن غياب المشاهدة غياب الحضور، اللى بيتكلم غير اللى عاش، انت عايز تقول للى بيسمع انت ما شفتش ده.. لازم حد يدوقهم بالحكاية بعمقها".

أضاف الرئيس السيسي، خلال الندوة التثقيفية للقوات المسلحة بمناسبة مرور 50 عاما على نصر أكتوبر المجيد: «حجم الجهد والإصرار اللي وضعوه المصريين رفضا للهزيمة كبير، والكلام ده يمكن أدهش الإسرائيليين نفسهم، وكانوا متوقعين أن الموضوع ده هيترتب عليه خروج رئيس مصر من المشهد في مصر، وهقول للناس في مصر أنا فى تقديرى كنت بعتبر أن أحد عناصر قوى الدولة الشاملة في هذا الوقت هو شخص الرئيس».

وتابع الرئيس السيسي: «كان تحدى آخر في سنة 1970 عندما توفى الرئيس جمال عبد الناصر، ودي كانت ضربة كبيرة جدا جدا وقاسية جدا على وجدان الشعب المصري».