رشا سامي العدل تكشف اللحظات الأخيرة في حياة شقيقها

كشفت الفنانة رشا سامي العدل، عن تفاصيل الليلة الأخيرة في حياة شقيقها الراحل المخرج الشاب أحمد سامي العدل، الذي رحل عن عالمنا، صباح أمس السبت.

ونشرت رشا سامي العدل، صورة جمعتها بشقيقها الراحل عبر حسابها الشخصي بموقع التواصل الاجتماعي «فيس بوك» معلقة: «قاعدين على البحر في دهب في ساعة غروب بنضحك وبنعيط سوا ونشتكي لبعض قد إيه أبونا وحشنا وقد إيه الحياة من غيره صعبة فضفضنا لبعض ووعدنا بعض بحاجات كتير».

وأضافت: «رجع القاهرة على وعد بلقاء قريب نتجمع فيه تاني، وجيه اللقاء بعد مكالمة تليفون الحقي أخوكي تعبان في المستشفى جريت عليه لقيت التعب والألم زايدين على عمره عمرين مش عارف يتنفس وكلامه بصعوبة، قعدت اكلمه وأضحكه وأحاول أهون عليه شوية واسيبه يرتاح شوية».

وتابعت: «وفي عز محاولاتي نقله لمستشفى تانية فقد نبض قلبه لثواني قدامي، اتخضيت الدكاترة طمنوني وقالوا مفيش حاجة أهو زي الفل، بس قلبي وجعني ولقيتني بقول له عايزاك تسبح وتقول الشهادة معايا وتفضل تقول كل القرآن اللي أنت حافظه، يا دوبك لفيت ظهري ولسة هاخرج اشوف موضوع الإسعاف ونقله».

وختمت رشا العدل حديثها: «لقيت دكاترة وممرضين في كل حتة حوالين أحمد بيحاولوا ينعشوه 38 دقيقة على الساعة محاولات وأنا واقفة قدامه قلبي بيتقطع وروحي أنا بتطلع مني ماسكة في خيط أمل من الدخان اتقطع بـ آخر نفس منه وراح أحمد، أخويا الصغير الطيب الحنين الهادي».