الرئيس السيسي: «سبب أزمتنا أن إنفاقنا أكثر من إرادتنا وتحديات الدولة كبيرة»

قال الرئيس عبد الفتاح السيسي: «مهم جدًا إننا نعرف كمصريين، عاوزين نشوف البلد زي ما بنحب نشوفها، المشكلة إننا نتقبل المشكلة وإننا نقاتل من أجل إنهائها، نقدر نقول إن اللي قابلينا حاولوا بس حجم التحديات كان كبير عليهم أوي، ممكن نقول إن الرئيس السادات عمل السلام، ونقدر نقول إن تكلفة الحرب كانت كبيرة، وحجم التحدي كبير جدأ، محتاجين إنفاق مش على الحرب بس، محتاجين، إنفاق استثماري، وبنيه تحتية لبلد بتنمو»

وتابع الرئيس خلال مؤتمر «حكاية وطن»، إن «حال الدولة هو ما شرحه الدكتور معيط وزير المالية، دايما إنفاقنا أكبر من ارادتنا، لازم نزود مواردنا، لان عندنا أزمة سكانية، مصر عملت حلول كتير في الخمسينات ومنجحتش، ووقت حكم الرئيس السادات منجحتش ووقت حكم الرئيس مبارك منجحتش، محققناش المطلوب».

وأكمل الرئيس: «تخيلوا أن لو من 2001 الزيادة السكانية ثابته، ووصلنا صفر في نسبة المواليد من سنة 2011، إحنا من أول 2011 لحد دلوقتي زدنا 25 مليون نسمة، لو مفيش زيادة سكانية مكناش خسرنا 420 مليار دولار، كل أزمة هتعملها هيبقي ليها تداعيات، أوعي تفتكر إن 2011 لحد 2013 إن حد ادانا الفلوس دي، الدولة دفعت 420 مليار دولار من اللحم الحي، وانت كمواطن عاوز تعيش وانا معاك، الناس عاوزة تشتغل واحنا في ضهرك، هنعمل دا ازي لو مفهمناش الحكاية».

وتسائل الرئيس عبد الفتاح السييسي «ليه بلدنا بقالها 43 سنة كدا، هي دي حكايتنا، عاوزين تخرجوا منها ولا عاوزين نقعد نقول كلام مبيتحققش، الدكتور معيط قالي في أول أزمة كورنا عندنا 5 مليون مصري شغالين، كان مفروض نوقفهم عن العمل ونسيب بلدنا».