شقيق أنغام يتهمها بالتخلي عنه عشان خايفة على اسمها

يتهم خالد سليمان شقيق الفنانة أنغام بالتخلي عنه في أزمته الحالية، مع ماجدة عبدالحليم طليقة، والده الموسيقار محمد علي سليمان.

وقال خالد سليمان في تصريحات خاصة لموقع «الجمهور»: «أنغام تخلت عني وقالت لي أنا مش هدخل في مشاكل مع الناس دي، أنا ليا اسمي وكفاية مشاكل كده واتنازل انت كمان، كل الناس بتقول أخو أنغام بيعمل مشاكل، يعني اسمي مذكور معاك في أزمتك حتى لو أنا ضدك».

وأَضاف سليمان: «طليقة أبويا عاملة لنا سحر كلنا، مراتي وامي طول الوقت تعبانين حتى والدي نايم على السريرطول اليوم ومش بيتحرك نهائي، وأنغام اتغيرت وبقيت عصبية أكتر، وطليقة والدي بتكره أخواتي فيا أنا وأنغام».

وتابع سليمان: «غنوة كانت عايشة معانا 7 سنين قبل وفاتها كانت مامتها مسافرة لدولة البحرين، ولما رجعت من السفر غنوة اتغيرت معانا خالص، وبقيت بتكرهنا».

وأردف سليمان: «غنوة ومامتها كسروا شقتي زمان وأنا مسافر وقعدوا فيها واستولوا عليها عشان شقتي دي في بيت والدي القديم، وأنا جهزتها على حسابي، ولما رجعت من السفر أنغام منعتني أتكلم وأطلب حقي منهم وأخرجهم من الشقة».

كما أضاف: «أنا دلوقتي مش قادر أعيش بالشكل ده إلتزاماتي كتير ومحدش واقف جنبي، كل الناس اتخلوا عني وعايزيني أسكت، وأنا مش هينفع أسكت عشان أنا كده هبدأ من الصفر».

منشور غامض لشقيق أنغام

جدير بالذكر أنه سابقًا، نشر خالد سليمان منشورات عبر حسابه الرسمي على موقع التواصل الإجتماعي فيسبوك يكشف فيها عن تفاصيل غامضة عن وفاة عمه عماد عبدالحليم، وأسرار جديدة عن طليقة والده ماجدة عبدالحليم، ويشوق الجمهور بأنه سيقوم بنشر فيديوهات مفصلة عن هذه الأزمات.

وقال «سليمان» في منشوره: «مين السبب في دخول عماد الدين علي سليمان الشهير بعماد عبد الحليم، مستشفى أبو العزائم الشهير بعزل وتعذيب الحالات والمرضى لمدة شهرين، وليه عماد رسم قبره على ورقة مقطوعة قبل وفاته بأسبوع، قريبا تفاصيل أسرار خطيرة».

وعلق أيضًا: «أسرار جديدة مين ماجدة عبد الحليم وإيه قصتها مع الموسيقار محمد علي سليمان وأسرته وخراب البيوت، كلام وأسرار لأول مرة قريبا فيديو مفصل».

وأفصح سليمان عن قضية جديدة لأول مرة، حيث كتب: «أسرار لأول مره مين هو دكتور رشدي صاحب صيدلية الرحمة، ومين عمرو عزمي وايه علاقته بالموسيقار محمد علي سليمان، ومين هي عشيقته وعلاقتها بجريمة حريق شقة وسيارة الموسيقار، وإيه حكاية محاضر الشرطة والجريمة الأخلاقية ومين أبطال الجريمة ومين ضحايا القصة، قريبا فيديو بالتفاصيل».