ياسمين صبرى في برنامج الحكاية: أنا أتحب لأني بسيطة وهادية

كشفت ياسمين صبري خلال لقائها مع الإعلامي عمرو أديب في برنامج الحكاية على قناة Mbc مصر عن أن كانت تجمعها صداقة برجل أم أصدقائها بنات فقط قائلة: "صعب اوي يكون بيني وبين رجل علاقة صداقة عشان بخاف تتحول لحب، وانا بصراحه اتحب، دي حقيقه انا اسفه اني بقول كده، بس أنا إنسانة واقعية، فيه ست عارفة إمكانيات تأثيرها، انا اتحب اوي".

وتابعت قائلة: " ليه انا بقول اني اتحب؟ مش عشان والله الشكل الخارجي، بس في الواقع انا بسيطه وهادية انا بنت بلد مش سبور إطلاقًا، عمرك ما هتلاقيني في افتر بارتي، انا محافظة وأفتخر، لأن كل يوم الميزة دي بتبقى نادرة، اللي خلاني كده جدتي ست كبيره وربتني في بيت كله أصالة ده اللي خلاني أي راجل يجي هيحبني الا لو شيطان معندوش إنسانية".

برنامج الحكاية

ويُذكر أن حلت الفنانة ياسمين صبري، ضيفة على قناة Mbc مصر في برنامج «الحكاية» مع الإعلامي عمرو أديب.وردت ياسمين صبري عن سؤال «أديب» حول طبيعة عملها الفترة الأخيرة كوجه إعلاني لعلامات تجارية كثيرة، قائلة: «شكلي ساعدني إني أكون واجهة ودا بفضل نعمة ربنا عليا، لذلك بشتغل في إعلانات لعلامات تجارية عالمية».

وأضافت: «الصور اللي بتشوفوها هي دي حياتي الحقيقية، أنا بصور 4 أيام في الأسبوع، لكن بشتغل طول الأسبوع بس الناس دايمًا بتسألني أنتِ بتعملي إيه، فاكرين عشان مش بظهر في أعمال تليفزيونية يبقى مش بشتغل».

وتابعت «صبري»: «أنا بتعب جدا في شغلي وباخد أكتر من 12 ساعة في اليوم أحيانًا، لكن مش بظهر لجمهوري كم التعب والإرهاق»، وتابعت قائلة: «طرق النجاح كتيرة بس حدد أنت عايزة ايه، أنت علامة تجارية لازم تستثمر في نفسك".