ياسمين صبرى في برنامج الحكاية: فيه رجالة بتخاف تكلمني بيتهزوا

كشفت ياسمين صبري خلال لقائها مع الإعلامي عمرو أديب في برنامج الحكايه على قناة Mbc مصر ردًا على سؤاله عن كيف تتأكد من صدق مشاعر الرجل معها قائلة: "إذا حب شكلي هو حب جزء من ياسمين، لكن شعور الست هو اللي بيأكد لها أن الحب ده حقيقي ولا لا، الست بتكون عارفه لو الراجل صادق ولا لا بس هي بتضحك على نفسها".

وأضافت صبري: "الراجل بيتهز من الست الناجحة بيكون مش عارف هيضيف لي أيه، مش كل الناس بتقدر تيجي تكلمني بيقولوا انا مش قدها وبيخافوا وبيقولوا انا هعملها ايه وهقدم لها ايه ويبتدي يتهز".

أردفت: "ولما بخرج من علاقة حتى لو اتأذيت فيها مش بحب انتقم دي مضيعة وقت، وانا مش هضيع وقت في الانتقام، وقتي كله لنفسي".

برنامج الحكاية

ويُذكر أن حلت الفنانة ياسمين صبري، ضيفة على قناة Mbc مصر في برنامج «الحكاية» مع الإعلامي عمرو أديب.وردت ياسمين صبري عن سؤال «أديب» حول طبيعة عملها الفترة الأخيرة كوجه إعلاني لعلامات تجارية كثيرة، قائلة: «شكلي ساعدني إني أكون واجهة ودا بفضل نعمة ربنا عليا، لذلك بشتغل في إعلانات لعلامات تجارية عالمية».

وأضافت: «الصور اللي بتشوفوها هي دي حياتي الحقيقية، أنا بصور 4 أيام في الأسبوع، لكن بشتغل طول الأسبوع بس الناس دايمًا بتسألني أنتِ بتعملي إيه، فاكرين عشان مش بظهر في أعمال تليفزيونية يبقى مش بشتغل».

وتابعت «صبري»: «أنا بتعب جدا في شغلي وباخد أكتر من 12 ساعة في اليوم أحيانًا، لكن مش بظهر لجمهوري كم التعب والإرهاق»، وتابعت قائلة: «طرق النجاح كتيرة بس حدد أنت عايزة ايه، أنت علامة تجارية لازم تستثمر في نفسك".