عمرو أديب لياسمين صبري: انتِ مرنة جسديًا وعقليًا

كشفت ياسمين صبري في برنامج الحكاية مع عمرو أديب على قناة Mbc مصر، أنها تمارس الرياضة وهي في الرابعة من عمرها، وأحترفت السباحة حتى سن 18 عام، وبعد ذلك مارست الرياضة بشكل مختلف، عن طريق رفع الأثقال لأنه يساعد في صنع شكل جميل للجسم.

ردت ياسمين على سؤال «أديب» المدة التي يستغرقها الجسم ليصل إلى الشكل المناسب قائلة: «مش وقت معين أنا طول حياتي بمارس الرياضة، عشان احافظ على صحتي وأصل للمرونة اللي فيها جسمي».

ليرد عمرو أديب: « أنتي مرنة جسديا وعقليًا».

وقالت ياسمين: «المرونة تخليني ما أتكسرش».

وعن المدة التي تمارس فيها ياسمين صبري رياضة يوميًا ردت صبريقائلة: «بلعب ساعة ونص في الجيم أو يوجا، أنا سافرت مدينة بالي عشان اتعلم اليوجا في مدرسة هناك، ودروس للطاقة وعلم النفس والفلك، عالم خلاني أفصل عن العالم بتاعنا، عالم بسيط يجعلني أفصل روحيا وعقليا عن الواقع».

وأضافت صبري: «الانسان مخير، أنا اللي بختار إني أمارس رياضة تريح أعصابي ونفسيتي اليوجا أبسط رياضة ممكن تمارسها وأنت قاعد».

برنامج الحكاية

ويُذكر أن حلت الفنانة ياسمين صبري، ضيفة على قناة Mbc مصر في برنامج «الحكاية» مع الإعلامي عمرو أديب.وردت ياسمين صبري عن سؤال «أديب» حول طبيعة عملها الفترة الأخيرة كوجه إعلاني لعلامات تجارية كثيرة، قائلة: «شكلي ساعدني إني أكون واجهة ودا بفضل نعمة ربنا عليا، لذلك بشتغل في إعلانات لعلامات تجارية عالمية».

وأضافت: «الصور اللي بتشوفوها هي دي حياتي الحقيقية، أنا بصور 4 أيام في الأسبوع، لكن بشتغل طول الأسبوع بس الناس دايمًا بتسألني أنتِ بتعملي إيه، فاكرين عشان مش بظهر في أعمال تليفزيونية يبقى مش بشتغل».

وتابعت «صبري»: «أنا بتعب جدا في شغلي وباخد أكتر من 12 ساعة في اليوم أحيانًا، لكن مش بظهر لجمهوري كم التعب والإرهاق»، وتابعت قائلة: «طرق النجاح كتيرة بس حدد أنت عايزة ايه، أنت علامة تجارية لازم تستثمر في نفسك».