خلال عزاء والدة دينا الشربيني.. شريف منير يعتذر لصحفية بسبب كلمة

تعرض الفنان شريف منير للهجوم الحاد من نشطاء مواقع التواصل الاجتماعي بعد تداول فيديو له خلال عزاء والدة الفنانة دينا الشربيني.

ظهر منير في الفيديو وهو يقول لأحدى الصحفيات «هشش» ردًا على سؤالها عن أن هذه الأيام صعبة على الوسط الفني ليرد شريف منير عليها قائلًا: «بس هشش إنتي هتعملي فيها صحفية، أنا هقولك إللي إنتي عايزاه».

لترد عليه وهي في حالة من الحرج الشديد قائلة: «أنا فعلاً صحفية».

وليتابع منير حديثه قائلًا: «الدنيا مش مستاهلة أي حاجة، الحمدلله على كل حال، لسه من كان يوم مصاب فينا أشرف مصيلحي، والنهاردة والدة دينا الشربيني وقبلها والدها، إنا لله وانا اليه راجعون، كل من عليها فان».

تفاعل نشطاء مواقع التواصل الاجتماعي بهجوم شديد على الفنان شريف منير، وعلق أحدهم: «إيه قلة الذوق والغرور ده».

قدم شريف منير اعتذار رسمي للصحفية ولجمهوره، حيث قام بتصوير فيديو وسرد فيه الموقف كما حدث، قائلًا: «أنا قلت للصحفية هشش وهي بتسألني، ولما لقيت هشش دي عيب اوي، قلت ألم الموقف وقلت لها انتي فاكرة نفسك صحفية ولا إيه، لقيت نفسي بغلط أكثر، انا متضايق من اللي حصل ده، ولما نزل الفيديو على اليوتيوب وشفته تضايقت اوي من نفسي، والناس علقت إني قليل الذوق وماكانش المفروض اعمل كده، وإيه الغرور ده».

وتابع منير قائلًا: «فعلاً أنا استاهل كل التعليقات الصح دي، لأن انا غلطت كان لازم أحد جزائي، أنا بعتذر عن الطريقة اللي اتكلمت بيها، ورد فعلي وبعتذر للصحفية والشباب الصحفيين، اللي كانوا موجودين وبعتذر لجمهوري، أرجوكم ماتزعلوش حقكم عليا، أنا فعلاً غلطان وفعلاً كنت قليل الذوق وأستاهل النقد اللاذع ده، وانا أبويا علمني لما أغلط أقول أنا أسف، وارجو قبول إعتذاري، أسف مرة تانية».