لقاء الخميسي: مازلت أعيش بنصائح أبي حتى الآن وكأنه لم يمت

كشفت الفنانة لقاء الخميسي عن فترة طفولتها ووالدتها، وأشارت إلى أنها عاشت طفولة جيدة، ولكنها لا تنسى ذكرياتها مع والدها وسيظل أفضل رجل في حياتها.

وقالت لقاء الخميسي في لقاء تلفزيوني: لقد عشت فترة طفولة جميلة، والشىء الأول الذي أتذكره هو والدي، إنه سيظل الرجل الأول والأخير في حياتي، وبين أبي وأبي يأتي بعض الرجال الآخرين، لقد كان صاحبي وصديقي الذي لا أخفي عنه شىء، وأراه دائما رجلا مختلفا، حساس، راقي، طيب، فنان، لما بيتعصب الدنيا بتبقى وحشة، بس ده طبيعي من شخص هادي.

وأردفت لقاء الخميسي عن ترتيبها بين إخوتها قائلة: أنا الأخت الكبيرة وبابا مكنش بيزعق لما نغلط كان بيقعد يشرح لنا ويجاوب على أسئلتنا، والعلاقة بينا ملهاش وصف، هو صوتي الداخلي وما زال، بكلمه لحد دلوقتي وبيرد عليا وبقول له الحاجات الحلوة والوحشة، بتحصل علامات فبقول ده رد.

وتابعت لقاء الخميسي: موت والدي كان متمهدلي لأنه توفى بالسرطان والدكاترة كانوا قايلين إن دي النهاية بس مع ذلك كنت في حالة إنكار ومكنتش ببقى عايز أدخل أبص عليه، لأني مش هشوف الراجل اللي أنا عارفاه أنا هشوف راجل غير قادر على فعل الأشياء اللي كان متعود عليها، ودي كانت بتجرحني أوي وكنت بكلم ربنا وبتوجع أوي ولما مشي الناس اللي حواليا استغربت من قوتي، لأني مؤمنة إنه هيفضل عايش جوايا،

واستكملت الخميسي: كنت أشعر بالحزن وأتحدث إلي الله وأقول: ليه يارب تعمل فيه كده؟، بعدما توفي كنت أعيش مأساة كبيرة، لكني كنت أشعر أني قوية للغاية، ولكن هذا الأمر في الظاهر فقط، لكن علي العكس تماما من داخلي كنت ضعيفة جدًا، وكان لدي إيمان أنه لم يمت، وأشعر طول الوقت أنه موجود، ولو تعرضت لأزمة أو مشكلة في أي شىء، أعلم جيدا ما يريدني أن أفعل كما لو كان علي قيد الحياة.. مازلت أعيش بنصائح أبي حتي اليوم.