حسام موافى: الناس بتضيع عمرها علشان 10 ثواني متعة

حذر الدكتور حسام موافى، أستاذ الحالات الحرجة بكلية طب قصر العيني، بعض المرضى من تعريض حياتهم للخطر، بسبب متعة قد تصل إلى 10 ثوان فقط.

وقال موافى خلال تقديمه برنامج «رب زدني علمًا»، عبر قناة «صدى البلد»، إنه يتعجب للمريض الذي يمنع عنه الأطباء بعض الأطعمة، ولكنه يرد قائلًا: «مش قادر».

وأضاف أستاذ الحالات الحرجة بكلية طب قصر العيني، «أقول للمريض اللي عنده فشل كلوي هتاخد حتة لحمة قد حتة الكبريت، يقول لي مش قادر، أنا بآكل حتة أكبر من كده».

وتابع الدكتور حسام موافي، «الأكل بيقعد في الفم قد إيه؟! 10 ثواني 15 ثانية! بعد ما بينزل في المريء مش بتحس بطعمه، يبقى أنت بتضيع عمرك عشان متعة 10 ثواني، اللي هو الوقت اللي الأكل فيه في فمك».

وأكد أستاذ الحالات الحرجة بكلية طب قصر العيني، على ضرورة طاعة الطبيب المعالج في حال منع المريض من تناول بعض الأطعمة، موضحًا، «الدكتور مش بيهرج، ولا بيحرمك، هو خايف عليك».

وأوضح الدكتور حسام موافي، أستاذ الحالات الحرجة بكلية طب قصر العيني، أن نظام الأكل بالنسبة لمريض «ارتفاع مستوى حامض البوليك في الدم» والذي يطلق عليه النقرس مهم جدًا.