حفيدة إسماعيل ياسين تهاجم حلمي بكر: «الحقد خلاه يقول أي كلام عن جدي»

ردت سارة ياسين، حفيدة الفنان الراحل إسماعيل ياسين، على تصريحات الموسيقار حلمي بكر بشأن وفاة «أبو ضحكة جنان» بمفرده في منزله، دون أن يشعر أحد برحيله لمدة يومين، بالإضافة إلى عدم وجود مقبرة لدفن جثمانه، بمناسبة حلول الذكرى الـ 111 على ميلاده.

ونفت «سارة» لـ«الجمهور»، كافة تصريحات «بكر» مؤكدة أنها غير حقيقية ولا تمت بالواقع بأية صلة، مردفة:«شوفنا تصريحات كتيرة لحلمي بكر لكنها غير صحيحة، لأنه زيه زي بعض الأشخاص اللي دايمًا عاوز يكون تحت الأضواء، ويثير الجدل عشان الناس تفضل تجيب في سيرته وخلاص».

حقيقة تصريحات حلمي بكر عن إسماعيل ياسين

وكشفت طبيعة العلاقة بين حلمي بكر وإسماعيل ياسين، قائلة: «حلمي بكر دخل بيت إسماعيل ياسين أكرمه، وأنا بنفي كل حاجة هو بيقولها لإن فيه تصريحات كتيرة على ناس مختلفة أثبتت إن حلمي بكر بيقول أي كلام لا يمت للواقع والحقيقة بأي صلة مش إسماعيل ياسين بس».

وأضافت: «لو أنا دخلت بيت حد والحد ده أكرمني مينفعش أتكلم بطريقة مش كويسة أو بطريقة وحشة عنه وعن بيته وأهل بيته ده أخلاق أي حد سوي وعلى خلق ودين».

وأردفت: «الفكرة بقى إني مستغربة كلامه واستمراره في إنه يثير الجدل بأشياء وهمية، وأنا ووالدي قبل ما يتوفى وطنط ميرفت وأختي ردينا عليه أكتر من مرة فسكت.. أنا مستغربة كم الحقد والغل ليه بيعمل كده.. وأنا مش مهتمة أشوف الفيديو من كتر ما هو بيقول كلام بعيد تمامًا عن الحقيقة.. هو بردو كبر في السن وربنا يهديه ويصلح حاله».