غادة إبراهيم لـ «الجمهور»: هلبس الحجاب قريب جدًا

أكدت الفنانة غادة إبراهيم أنها تفكر في ارتداء الحجاب خلال الفترة الحالية، مشيرة إلى أنها اتخذت أولى خطوات الهداية إلى الله تعالى، بأداء مناسك العمرة لأول مرة في حياتها.

وقالت غادة في تصريح خاص لـ «الجمهور»؛ إنها عاجلًا أم أجلًا سترتدي الحجاب بمشيئة الله عز وجل، مردفة: «الحجاب فرض وأي حد يقول عكس كده يبقى مضلل، وأنا يوم ما هلبس الحجاب مش هخلعه أبدًا في حياتي، ومش هلبسه مثلًا عشان الناس شيفاني هبقى أحسن كدة والكلام ده، أنا هلبسه عشان ده اللي فرضه ربنا علينا».

وأوضحت أنها اتخذت أولى الخطوات في طريق الهداية، قائلة: «الحمد لله ربنا كاتبلي عمرة ولأول مرة في حياتي اعملها السنة دي، وربنا يبعت حج وحجاب بعد كده، والهداية مش بعيدة على ربنا، وأنا متمناش أحسن من كده، وإن ربنا والناس يكونوا راضيين عني وشكلي ميكونش فيه لغط عليه ولا يكون فيه أي كلام يضايق أهلي أو يضايقني.. وربنا يهدينا جميعًا».

من جانبها، كشفت الفنانة غادة إبراهيم، عن تفكيرها في اتباع طريق الله تعالى، خلال لقائها مع الإعلامي نزار الفارس، قائلة: «باقي شيء بسيط على الهداية الكاملة».