عصام صاصا يسرق لحن أغنية «أنا لو أذيته» ومحمد يحيى يرد

كتب الملحن محمد يحيى على حسابه الرسمي، على موقع التواصل الاجتماعي «فيسبوك»، منشورًا يتهم فيه عصام صاصا وكريم كريستيانو، بسرقة لحن أحد أغنياته.

وأبدى الملحن محمد يحيى، استياءه من سرقة أحد ألحان أغانيه التي قدمها مع الفنان محمد حماقي، منذ سنوات وهي أغنية «أنا لو أذيته».

قدم كريم كريستيانو نفس لحن أغنية أنا لو أذيته في أغنية «شارع الحياة مش هو هو» التي تم طرحها منذ 3 أيام.

وكتب محمد يحيى عبر فيسبوك وعلق قائلًا: «يعني سرقة علني كده للحن أنا عامله لحماقي أنا لو أذيته من سنين وكلام مفيش مستوى متدني أسوأ من كده وعادي يطلع تريند رقم واحد يوتيوب ومفيش أي رقابة لحقوق الناس».

وأردف قائلًا: «إيه ده يا جماعة مين دول أساسًا، وإيه علاقتهم بالمزيكا أصلًا، وأصلًا طلع واحد كمان اسمه عصام صاصا سارق اللحن».

ثم تابع: «برضو العجيب إن فيه واحد كاتب لده تعليق بيقولوا انت سارق اللحن من عصام صاصا».

منشور محمد يحيى

أغنية العقد

يُذكر أن آخر أعمال الملحن محمد يحيى هي أغنية العقد للفنانة اللبنانية إليسا، وأغنية «العُقد» من كلمات أيمن بهجت قمر، وتوزيع جلال حمداوي.

كلمات أغنية العقد

«بالعقد دة عقدتني والسلسلة دي حبل وانت خانقني بيه بص الخاتم فيه إيه اسمك مكتوب عليه ده لوحده ذكرى ليوم ماكانليش حظ فيه خد اللي ليك ونفضها وعد اللي بيقول كلمة يطلع قدها مش بإنت جايبلي ايه لا بإنت اديت لي ايه وأي واحدة اسألها دة اكيد ردها الحب دلع وونس واني الاقيك مش بالهدايا وكفاية كنت ابقى ليك طلباتي كانت بسيطة عملت ايه أنا الحقيقة بصراحة خسارة فيك الحب دلع وونس واني الاقيك مش بالهدايا وكفاية كنت ابقى ليك طلباتي كانت بسيطة عملت ايه أنا الحقيقة بصراحة خسارة في كخسارة فيك خسارة فيك.

وصلتني لمرحلة مابقيتش قادرة خلاص ومش متحملة بستحلى عذابي فيك ولا ذرة رحمة ليك ودة شىء طبيعي لواحدة عاشت مهملة لو جبت لي شنط دهب ماتكفنيش عمري اللي اتسرق قصدي اتنهب اللي احنا وصلنا ليه انت اتسببت فيه والقلب التلج البارد بيطفي اللهب الحب دلع وونس واني الاقيك مش بالهدايا وكفاية كنت ابقى ليك طلباتي كانت بسيطة عملت ايه انا الحقيقة بصراحة خسارة فيك الحب دلع وونس واني الاقيك مش بالهدايا وكفاية كنت ابقى ليك طلباتي كانت بسيطة عملت ايه انا الحقيقة بصراحة خسارة فيك خسارة فيك».