«بعد 3 سنوات زواج».. عامل مصر القديمة باع مراته بـ 5 لتر غاز

تعبيرية

سامي جاد الحق

A A

"جبت آخري، وكل يوم في مشاكل معاها، فقلت أريح نفسي"، دي العبارة اللي قالها "عارف"، عامل الخردة، 33 سنة، لوكيل نيابة مصر القديمة، لما سأله: "ليه ولعت في مراتك يا عارف؟".

"عارف" بيواجه تهمة القتل العمد، في اعترافاته، قال إنه من بعد ما اتجوز مراته المجني عليها، "رحاب" 32 سنة، وهو عايش كل يوم في خناقات، ولدرجة إنه لما بيطلب منها حاجة خاصة بيه، بترفض تعملها، ةأي حاجة بتحصل بسببها خناقة كل يوم، فقرر ينهي حياتها.

ببيقول "عارف"، إنه مكانش يقصد يقتلها، لكن وقت الخناقة مكانش في وعيه، ولا كان عارف هو بيعمل ايه، فراح اشترى "جركن غاز" واحتفظ به في بيته، ولما حصلت الخناقة، اتفاجئ بمراته المجني عليها بترد عليه، فمسك الجركن، ورش عليها الغاز، وبعدها أشعل النيران في جسمها وسط الشقة.

"عارف" في اعترافاته بيقول، إن مراته، لما بيحصل خلاف بينهم، بتتسيب البيت وتروح بيت أبوها، وهناك بتشتكي من كل حاجة، وأهلها بيطلعوه في الاخر هو اللي غلطان، وحاول معاها كتير قبل كدة، انها تغير طريقتها في التعامل، وتراجع نفسها، لكن من غير فايدة لتقرر النيابة حبسه 4 أيام على ذمة التحقيق.

كان مأمور قسم شرطة مصر القديمة، قد تلقى اخطار من "عمليات النجدة"، بوصول سيدة في العقد الثالث من العمر، لمستشفى القصر العيني، مصابة بتشوهات في الوجه واليدين، وباجراء التحريات حول الواقعة بمعرفة المقدم محمد أبو العطا، رئيس وحدة المباحث، تم التوصل الى أن زوجها المتهم وراء ارتكابها بدافع النتقام منها بسبب الخلافات الزوجية.

وقالت تحريات المباحث أن الزوج المتهم، متزوجا بالمجني عليها منذ 3 سنوات، وسبق أن اشتكى الجيران من كثرة خلافاتهما، وفي ويم الواقعة اشترى 5 لتر غاز، وهدد بهم زوجته بإشعال النيران فيها حال خلافها معه مرة أخرى، وفي المرة الأخيرة نفذ وعده وألقى عليها الغاز ثم أشعل فيها النيران، ليتم ضبطه واحالته لنيابة مصر القديمة التي أمرت بحبسه على ذمة التحقيق.

وطلبت نيابة مصر القديمة، التحري عن صحة المجني عليها، وطلبت تقريرا طبيا بحالتها الصحية، مع كتابة تقرير بحالة التشوهات التي تعرضت لها في جسدها